Ekspert: "Türkiyə ilə ticarət əlaqələrini və inteqrasiyanı sürətləndirmək lazımdır"

03-11-2020 / 19:49
"Müharibədən sonrakı Azərbaycanda diqqət yetiriləcək məqamlardan ən vacibi Türkiyə ilə gömrük rüsumlarına yenidən baxılması ola bilər".
 
Xeberler.az bildirir ki, bu sözləri Azərbaycan İnternet Formunun Prezidenti, ekspert Osman Gündüz deyib.
 
Ekspertin sözlərinə görə, hazırda qəribə, anlaşılmaz bir vəziyyət var:
 
"Azərbaycanla Rusiya, ümumiyyətlə MDB arasında sərbəst ticarət anlaşmaları var. Gömrük rüsumları yoxdur. Amma Azərbaycanla Türkiyə arasında kifayət qədər sərt, 36%-dək gömrük rüsumları tətbiq olunur.
 
Düşünürəm ki, indiki zamanda Türkiyə ilə ticarət əlaqələrini, inteqrasiyanı sürətləndirmək lazımdır. Türkiyə Avropa Gömrük İttifaqına üzv olduğundan gömrük sadələşdirilməsində müəyyən çətinliklər qaçılmazdır.
 
Bununla belə, düşünürəm ki, indidən Azərbaycan-Türkiyə gömrük, ticarət məslələrinin sərbəstləşməsi istiqamətində addımlara başlamaq lazımdır. Bildiyim qədər artıq ötən il “DGK və Türkiyənin Ticarət Nazirliyi arasında 2019/2020-ci illər üzrə gömrük işi sahəsində əməkdaşlığın və qarşılıqlı yardımın səmərəliliyinin yüksəldilməsinə dair Tədbirlər Planı”da imzalayıblar.
 
Həmçinin DGK tərəfindən Azərbaycan və Türkiyə arasında tranzit daşımalar haqqında ilkin elektron məlumat mübadiləsi sistemi yaradılıb. Yəni, artıq bu istiqamətdə bir xeyli addımlar atılıb.
 
Fikrimcə, ilkin olaraq, ən azı müəyyən seçim üzrə, bir neçə istiqamət üzrə, gömrük rüsumlarının kəskin aşağı salınması, bəzi sahələdrə ümumiyyətlə sıfırlanması, sərbəst ticarət anlaşmalarının hazırlanması faydalı olardı. Azərbaycan və Türkiyə arasında gömrük sistemlərinin inteqrasiyası, gömrük keçidlərin sadələşdirilməsi və sərbəst ticarət anlaşmaları hər iki ölkənin daha sıx yaxınlaşmasına, ticarət dövriyyəsinin və regional ticarət bazarının güclənməsinə kömək edə bilərdi. Yeri gəlmişkən, elə ölkələr var ki, məsələn Fransa və s., onlara qarşı gömrük rüsumlarını daha da artırmaq olardı".

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.