"Elektron ipoteka və kredit zəmanət” sistemi yenidən çöküb

24-01-2023 / 13:06

İpoteka və Kredit Zəmanət Fondu tərəfindən bu gün, 24 yanvar saat 11 üçün ipoteka kreditinin alınması ilə bağlı elektron müraciətlərin qəbulu elan olunmuşdu.

Müraciətlər Elektron Hökumət Portalında mövcud olan “Elektron ipoteka və kredit zəmanət” sistemi vasitəsi ilə real vaxt rejimində həyata keçirilməliydi.

Xeberler.az-ın əldə etdiy məlumatlara görə “Elektron ipoteka və kredit zəmanət sistemi” ndə yenidən problemlər yaranıb.
Çox sayda istifadəçilər müraciət üçün sistemə daxil ola bilmədiklərini, sistemin yarım saat ərzində işləmədiyini qeyd ediblər.

Hazırda sosial mediada gedən müzakirələrdən görünür ki, istifadəçilər eGov-da digər xidmətlərin aktiv olmasına baxmayaraq, müraciətlər başlanan anda "Elektron ipoteka və kredit zəmanət sistemi” xidmətindən istifadənin mümkünsüz olduğunu bildirirlər.

İpoteka və Kredit Zəmanət Fondu hələlik bununla bağlı, kirayə mənzil üçün bu gün keçirilən elektron müraciətlərin nəticələri haqqında açıqlama verməyib.

Xatırladıram ki, əvvəllər də bu sistemdə bir neçə dəfə bu cür çökmələr baş verib.
O zaman sistemin hazırlanması üçün nəzərdə tutulan böyük məbləğdə ictimai vəsaitlərdən səmərəsiz istifadə edilməsi, əlaqədar qurumların iştirakı ilə sistemin auditinin keçirilmədiyi haqqında məlumatlar verilmişdi.

Bu sistemin hazırlanması üçün İpoteka və Kredit Zəmanət Fondu tərəfindən CyberNet şirkətinə bir neçə dəfə milyonlarla vəsait ödənilib.

Ümid edirəm eGov sahəsində yeni səlahiyyətli qurum olan RİNN və Xüsusi Rabitə və İnformasiya Təhlükəsizliyi Dövlət Xidməti də baş verənlərə aydınlıq gətirəcəklər.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.