MÜSAHİBƏ

Məlumat verdiyimiz kimi İpoteka Fondu bu sistemin hazırlanması üçün CyberNet şirkətinə büdcədən 10 milyon manat verib.
Dəfələrlə şişirdilmiş vəsait xərcləməsinə baxmayaraq normal layihələndirmə, vəsaitlərdən effektiv istifadə, testdən keçirmə, audit işləri aparılmadığından, işə səhlənkar və məsuliyyətsiz yanaşıldığından təkmil bir informasiya sistemi ortaya çıxarılmayıb.

Sistemin işə salınmasından öncə nə üçün test olunmamasına da indiyədək aydınlıq gətirilməyib.
eGov sahəsində səlahiyyətli qurum olan Elektron Hökumətin İnkişafı Mərkəzi və dövlət sektorunda informasiya təhlükəsizliyinə cavabdeh qurum olan XDMX –nın Xüsusi Rabitə və İnformasiya Təhlükəsizliyi qurumlarının da qanunvericilikdəki boşluqlar səbəbindən bu proseslərə yetərincə təsr imkanları olmayıb.
eGov Mərkəzinin “sistemin çökəcəyi” ilə bağlı qabaqcadan xəbərdarlığı olduğu bildirilsədə sonradan Mərkəz rəhbəri bunu təsdiqləməyib.

Hazırda situasiya necədir ?
Nə üçün dövlətin kifayət qədər ciddi əhəmiyyət kəsb edən layihəsi icra olunmur ?
Uzun müddət gecikmədən belə anlamaq olar ki İpoteka Fondu kirayə mexanizmlə bağlı sistemi sıfırdan hazırlamaq məcburiyyətində qalıb.
Xatırlayıram ki, MİDA ilə bağlı oxşar situasiyada çökmüş sistemin bərpasında eGov Mərkəzi, XDMX və digər əlaqəli qurumlar birgə işləyərək ortaya normal bir iş qoya bilmişdilər.
Hələlik eGov Mərkəzi və XDMX Elektron ipoteka sisteminin bərpasında iştirakı ilə bağlı hər hansı açıqlama verməyiblər.
Maraqlıdır kiŞ, təkmilləşdirmə və audit işləri hansı vəsaitlə aparılacaq ?
Bunun üçün də büdcə vəsaitlərin istiafdə olunacaqmı ?
CyberNet və ya Fond Elektron ipoteka sisteminin təkmilləşdirilməsi üçün aidiyyatı qurumlara vəsait ödəyə biləcəkmi ?
Bu suallar hələlik açıq qalır.

Güman edirəm ki, bu proses xeyli zaman alacaq.
Çox təəssüf ki, Fond bu cür sosial əhəmiyyət kəsb edən bir layihəni urvatsız vəziyyətə gətirib çıxarıb.
Belə görünür ki, Fondun əlaqəli qurumlarla birgə işləmək təcrübəsi də yetərli deyil.
Ümid edirəm aidiyyatı qurumlar fərqindədirlər".