Estoniyada İnternet İdarəçiliyi üzrə beynəlxalq konfrans keçirilir-Foto

07-06-2017 / 12:41

Estoniyada  İnternet  İdarəçiliyi üzrə beynəlxalq EuroDİG2017 konfransı keçirilir.

Belə ki, iyunun 5-dən başlayan konfrans sabah yekunlaşacaq.

Konfransda Prezident Adminstrasiyasının ictimai-siyasi şöbəsinin nümayəndəsi Gülsel Səfərova, Elektron Təhlükəsizlik Mərkəzinin rəhbəri Faiq Fərmanov, həmçinin Nəqliyyat Rabitə və Yüksək Texnologiyalar Nazirliyi, Ədliyyə Nazirliyi və Dövlət Təhlükəsizlik Xidmətinin nümayəndələri də iştirak edir.

Xeberler.az-ın məlumatına görə, Azərbaycan İnternet Formunun prezidenti, ekspert Osman Gündüz də Estoniyadakı beynəlxalq tərdbirə qatılıb.

Məlumatımıza görə, konfransda kibertəhlükəsizlik, rəqəmsal mühitdə insan hüquqları, internet media, tənzimləmə, internet azadlığı kimi əsas mövzular müzakirə edilir.

Tədbirdə iştirak edən nümayəndələrimiz bildirib ki, açılış mərasimində çıxış edən Estoniya prezidenti Kersti Kaljulaid Litva prezidenti Dalia Grybauskaite seçkilərdə elektron formada səsvermənin tətbiqinə fərqli yanaşmaları ilə diqqət çəkib.

 

Onlar rəqəmsal mühitdə təhlükəsizliyin mühüm əhəmiyyət kəsb etdiyini vurğulayıb.

Ötən günki müzakirələrdə isə prezidentlər Estoniyada rəqəmsal cəmiyyət  və elektron hökumət quruculuğunun üstünlüklərindən danışaraq, bu məsələlərin vacibliyini vurğulayıb.

Konfransda həmçinin kriptovalyuta, blokçeyin kimi yeni texnologiyaların inkişafı da müzakirə edilib.

Qeyd edək ki, tədbirin əsas dəstəkçiləri Avropa Şurası, Avropa İttifaqıdır. Bununla yanaşı, EuroDİG2017-yə Microsoft, Google, Telia kimi məşhir İT şirkətlər də sponsurluq edir.

Ekspertlər hesab edir ki, bu konfransdan da görünür ki, həm qeyd edilən qurumlar, həm də digər maraqlı tərəflər kibertəhlükəsizliklə bağlı Konvensiyanın müddəalarına yenidən nəzər salacaq.

Hazırda Estoniya gələcəyini internet üzərində quran dünyanın ən texnoloji ölkəsi kimi tanınır.

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.