TƏDBİRLƏR

Fransanın Starsburq şəhərində  bu gün “İnternet azadlığı-Avropadakı demokratik  təhlükəsizliyin daimi faktoru kimi” adlı beynəlxalq konfans öz işinə başlayıb.

Xeberler.az məlumat verir ki, Avropa Şurası Nazirlər komitəsinə hazırda sədrik edən Estoniyanın  və ATƏT-ə bu il sədrlik edən Almaniyanın, o cümlədən Avropa Şurasının birgə təşkilatçılığı ilə baş tutan konfransda Avropa və dünyanın bir sıra aparıcı ölkələrindən çoxlu sayda mütəxəssis, ekspert  və rəsmi nümayəndə iştirak edir.

Azəbaycanı isə tədbirdə Azərbaycan Respublikası Prezidenti Administrasiyasının İctimai-siyasi məsələlər  şöbəsinin baş məsləhətçisi  Ceyran Əmiraslanova, Rabitə və Yüksək texnologiyalar  nazirliyinin hüquq şöbəsinin baş məsləhətçisi Bəxtiyar Məmmədov və beynəlxalq əməkdaşlıq şöbəsinin məsləhətçisi  Xəyalə Paşazadə, o cümlədən Multimedia İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz, Azərbaycan Jurnalistlər Şəbəkəsinin sədri Ayaz Mirzəyevdən, ekspert Seymur Kazımov  ibarət nümayəndə heyəti təmsil edir.

Tədbirin məqsədi fundamental azadlıqlardan onlayn şəkildə bəhrələnmək, internet azadlığı üzrə birgə öhdəliyin təşviqi üçün iştirakçıları bir araya gətirmək, səmərəli implementasiya üçün ən yaxşı təcrübələri müəyyənləşdirməkdən ibarətdir. Tədbirdə AŞ-ın Baş katibi Törbyorn Yaqland, ATƏT-in kütləvi informasiya  vasitələri  azadlığı üzrə nümayəndəsi Dünya Miyatoviç və digərləri çıxış edərək internet imkanları, onun səmərəli tərəfləri və mənfi təsirləri haqqında fikirlərini bildiriblər. Bununla yanaşı media sahəsində çalışanların internetin mütəmadi yenilənən imkanlarından daha səmərəli istifadə etməyi tövsiyə ediblər.

Tədbir iştirakçıları ilə birbaşa ünsiyyət qurmaq imkanı qazanan Azərbaycan nümayəndə heyətinin üzvləri isə onlara Azərbaycanda internetin səviyyəsi və ondan istifadə olunması imkanları haqqında ətraflı məlumat veriblər. Bildirilib ki, Azərbaycan  son 10 ildə Azərbaycanda internet resusları sürətli inkişaf yolu keçib və ölkəmizdə internetə çıxışa və ondan istifadəyə heç bir məhdudiyyət qoyulmur.

İfadə azadlığı, plüralizm və cəmiyyətin inkişafı üçün vacib olan digər şərtlər obyektiv məlumatın əldə edilməsində  mühüm amil olduğundan  media, vətəndaş cəmiyyətinin inkişafında və demokratik sistemlərin tərəqqisində internetdən və sosial şəbəkələrdən lazımınca istifadə vacibdir. Azərbaycanda internet azadlığı təmin olunub, insanlar internetdən azad şəkildə istifadə edirlər, sosial şəbəkələrə heç bir məhdudiyyət yoxdur.(Eurasia Diary)