SOSİAL MEDIA

Facebook mobil ticarət sektorundakı fəaliyyətlərini genişləndirməyə davam edir. Uzun müddətdir ki, Facebook-dan gözlənilən bilet satışı funksiyasını şirkət öz platformasında reallaşdırmaq qərarına gəlib.

Xeberler.az-ın xarici mətbuata istinadən verdiyi məlumata görə, fəaliyyətini Buzzfeed News vasitəsilə təsdiqləyən Facebook hazırda məkan, sənətçi və menecerdən ibarət təşkilatla San Francisco-da işlərə başladığını açıqlayıb.

Facebook-un bilet satışı funksiyasını event səhifələrinə bu gün gətirilməsi gözlənilir.

İstifadəçilər Facebook-dakı bütün event səhifələrində "Bilet Satın Al" düyməsinin aktivləşdiyini görəcək.

Həmin düymə vasitəsilə istifadəçi biletləri Facebook tətbiqindən ya da web səhifəsindən ayrılmadan ala biləcək. Satın alınan biletlər üçün elektron ya da fiziki bir bilet tənzimləməsi edilmir.

Tədbirdən əvvəl girişdə (ya da kassada) təsdiqləyici kod alınır. Facebook hələlik bilet satışı sektorundakı Biletix, Tixbox kimi nəhənglərlə onlayn bilet satış platformasında rəqabətdən çəkinir.

Hələlik bu platformalara rəqib olmayan Facebook öz xidmətini bu şirkətlərin xidmətlərini dəstəkləyən bir xidmət kimi göstərdiyini bildirib. Ekspertlərin fikrincə, bu funksiya onlayn bilet satışı ilə məşğul olan şirkətlərin çəkisinə xeyli ziyan vuracaq.

Çünki bütün bir satış əməliyyatı bütün dünyada istifadəsi rahat və əlçatımlı olan bir platforma üzərindən həyata keçirilir.

Facebook rəhbərliyinin açıqlamasında bildirilir ki, bu əməliyyatlar üçün heç bir komissiya haqqı tutulmayacaq.

Sevinc Çəltikova