Facebookun yaradıcısı Mark Zukerberq sosial şəbəkə haqda nə dedi?

24-09-2010 / 16:07

Facebook portalının təsisçisi Mark Zukerberq TechCrunch nəşrinə müsahibəsində onun sosial şəbəkəsinin smartfon istehsal etmək və Android, eləcə də iOS mobil əməliyyat sistemləri ilə rəqabət aparmaq niyyətinin olmadığını bildirib.

Bunun əvəzinə Facebook servislərin və sosial şəbəkənin müxtəlif imkanlarının mövcud mobil platformalarla daha sıx inteqrasiyasını təmin etməyi planlaşdırır.

Bununla belə Facebook-un öz brendi altında telefon istehsal etməsinə dair KİV-lərdə gəzən şayiələr səngimək bilmir. M. Zukerberqin bəyanatından bir qədər sonra Bloomberg internet informasiya agentliyi onun sözlərini şübhə altına qoyub.

Belə ki, sözügedən nəşr məlumatlı mənbəyə istinadən bildirib ki, Facebook Britaniyanın INQ Mobile mobil qurğular istehsalçısı ilə iki model smartfonun hazırlanmasına dair saziş imzalayıb. Həmçinin qeyd olunur ki, yeni smartfonlar Android qurğuları ilə rəqabət aparmayacaq, çünki onların məhz bu əməliyyat sistemi ilə təchiz olunacağı nəzərdə tutulub.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.