Facebook dünya iqtisadiyyatına 227 milyard dollar xeyir verib

22-01-2015 / 12:29

Hesabında 1,35 milyard aktiv istifadəçinin olduğu ən böyük sosial şəbəkə – Facebook ötən ilin yekunlarına görə dünya iqtisadiyyatına 227 milyard dollar xeyir verib. Xeberler.az AzərTac-a istinadən xəbər verir ki, Bundan başqa, Mark Zukerberqin kompaniyası 4,5 milyon iş yerinin açılmasına da yardımçı olub.

Bu barədə məlumat Facebookun özünün Deloitte & Touche konsaltinq firmasına sifariş etdiyi tədqiqatın nəticələrində əksini tapıb.

Bu məqsədlə D&T analitikləri saytla əlaqəsi olan mobil qurğular üçün proqramları, oyunları və bu kimi digər vasitələri, həmçinin Facebook şəbəkəsinə daxil olmaq tələbindən yaranmış internet əlaqəni və əlavə xidmətlərə olan ehtiyacları da hesablayıblar.

Facebookun baş əməliyyat direktoru Şeril Sandberqin sözlərinə görə, kompaniya modadan tutmuş fitnesə qədər demək olar ki, bütün sahələrdə kiçik biznesin yeni dalğasını yaratmağa kömək edib. Bir çox şirkətlərin biznesinin sosial şəbəkədən asılı olduğunu deyən Facebook nümayəndəsi onların bu şəbəkə vasitəsi ilə xidmətlər təklif etdiyini və mallarını satdığını bildirib.



ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.