Fiziki infrastruktur üzrə işçi qrupunun növbəti iclası keçirilib

24-09-2021 / 18:05

Azərbaycan Respublikası Nazirlər Kabineti yanında Biznes mühiti və beynəlxalq reytinqlər üzrə komissiyanın Fiziki infrastruktur üzrə işçi qrupunun video formatda iclası keçirilib.

Xeberler.az bildirir ki, iclasda Azərbaycan Respublikası Prezidentinin Administrasiyasının İqtisadi siyasət və sənaye məsələləri şöbəsinin İqtisadi islahatların monitorinqi, koordinasiyası və qiymətləndirilməsi sektorunun müdiri, komissiyanın katibliyinin rəhbəri Vüsal Şıxəliyev və İşçi qrupunun üzvləri iştirak edib. Tədbirdə işçi qrupunun 2021-ci il üçün Fəaliyyət Planının yanvar-iyun ayları üzrə icra vəziyyəti müzakirə olunub.

İşçi qrupunun rəhbəri, nəqliyyat, rabitə və yüksək texnologiyalar nazirinin müavini Rövşən Rüstəmov giriş sözü ilə iclası açaraq işçi qrupunun 2021-ci il üçün təsdiq olunmuş Fəaliyyət Planının icrasından irəli gələn məsələlər və qarşıda duran vəzifələr haqqında iştirakçıları məlumatlandırıb. Fəaliyyət Planında nəzərdə tutulmuş tədbirlərin vaxtında, keyfiyyətli və koordinasiyalı icrasının təmin edilməsi məqsədilə işçi qrupu çərçivəsində zəruri işlərin bundan sonra da həyata keçiriləcəyini diqqətə çatdırıb.

Komissiyanın katibliyinin rəhbəri Vüsal Şıxəliyev öz çıxışında Fiziki infrastruktur üzrə işçi qrupunun Fəaliyyət Planının detallı tədbirlərdən ibarət çoxəhatəli sənəd olduğunu, plan üzrə görülmüş işlərin iclas zamanı bir daha qiymətləndirilməsinin aparılmasını, qarşıda duran vəzifələrə diqqət yetirilməsinin vacibliyini vurğulayıb.

Daha sonra Fəaliyyət Planının icrası ilə bağlı Nəqliyyat, Rabitə və Yüksək Texnologiyalar Nazirliyi, Azərbaycan Avtomobil Yolları Dövlət Agentliyi, “Azərbaycan Dəmir Yolları” QSC və “Azərenerji” ASC-nin nümayəndələri təqdimatla çıxış ediblər.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.