TƏDBİRLƏR

Məktəblilər arasında keçirilmiş birinci “Gənc kompüter istedadları” respublika müsabiqəsinə bu gün yekun vurulub.

Müsabiqənin qalibləri:

• “Təqdimatlar” nominasiyası üzrə - İsgəndərova Xuraman (Bakı şəhərinin 134 saylı məktəbi);
• “Veb-saytlar” nominasiyası üzrə - akademik Zərifə Əliyeva adına məktəbin bir qrup şağirdi;
• “Kompüter proqramları” nominasiyası üzrə - Axundov Rəsul (akademik Zərifə Əliyeva adına məktəbin şagirdi);
• “Animasiya” nominasiyası üzrə - Hüseynov Vüsal və Yusifov Ceyhun (Heydər Əliyev adına Müasir Təhsil Kompleksi)

R. Axundov şagirdlərə həndəsə və cəbr fənnləri üzrə yardım edəcək “şagirdin kalkulyatoru” adlanan kompüter proqramına görə qalib elan olunub. V. Hüseynov və D. Yusifov isə “Animasiya” nominasiyası üzrə “Qoğalın nağılı” fləş-cizgi filminə görə birinci olublar.

“Animasiyada Azərbaycan dilinin idiomaları” tədris proqramına görə Sumqayıt şəhərinin 25 saylı məktəbin bir qrup şagirdinin layiq görüldüyü “Orijinal layihə” də müəyyənləşdirilib.

Qeyd edək ki,müsabiqə Kibernetika İnstitutu, İnformasiya Texnologiyaları İnstitutu, HP, Microsoft, Ultra və s. şirkətlərin dəstəyilə Təhsil Nazirliyi tərəfindən təşkil olunub. Müsabiqə 2008-2012-ci illərdə təhsil sisteminin informasiyalaşdırılması üzrə Dövlət Proqramı çərçivəsində keçirilib.