Azərbaycan Respublikasının Nazirlər Kabineti “ASAN müraciət” informasiya sisteminin fəaliyyətində iştirak edən qurumların siyahısında dəyişiklik edib.
Xeberler.az bildirir ki, qərar Azərbaycan Respublikası Prezidentinin 2026-cı il 20 fevral tarixli 600 nömrəli Fərmanı ilə müəyyən edilmiş tapşırıqların icrasını təmin etmək məqsədilə qəbul olunub.
Dəyişikliyə əsasən, “ASAN müraciət” informasiya sisteminin fəaliyyətində iştirak edən qurumların siyahısında “İri Şəhərlərin Birləşmiş Su Təchizatı Xidməti”nin adı “İri Şəhərlərin Su Təchizatı” Qapalı Səhmdar Cəmiyyəti, “Regional Su Meliorasiya Xidməti”nin adı isə “Regional Su Meliorasiya” Qapalı Səhmdar Cəmiyyəti kimi qeyd ediləcək.
Bundan başqa, “ASAN müraciət” informasiya sistemi haqqında Əsasnamənin dəyişdirilməsi qaydasına da düzəliş edilib. Belə ki, Əsasnamənin 5-ci hissəsi yeni redaksiyada verilib və həmin qərara dəyişikliklərin müvafiq normativ hüquqi aktların hazırlanması, razılaşdırılması, qəbul edilməsi və dərc edilməsi qaydalarına uyğun aparılması müəyyənləşdirilib.
Qərar Prezidentin 2026-cı il 20 fevral tarixli 600 nömrəli Fərmanının 1.1-ci və 1.2-ci bəndlərində nəzərdə tutulan qapalı səhmdar cəmiyyətləri dövlət qeydiyyatına alındıqları gündən qüvvəyə minəcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları