Gənclər Azərbaycanda süni intellektin tətbiqinə kömək edirlər

23-09-2020 / 11:24

Azərbaycan Könüllü Təşkilatları İttifaqının tərəfdaş olduğu “eSAS” Könüllülük proqramı çərçivəsində “Azərbaycan dili üzrə nitqin tanınması üçün məlumat bazasının toplanması” layihəsi davam edir.

Xeberler.az bildirir ki, Nəqliyyat, Rabitə və Yüksək Texnologiyalar Nazirliyi, “Regional İnkişaf” İctimai Birliyi və Birləşmiş Millətlər Təşkilatının İnkişaf Proqramının bu birgə layihəsi “eSAS” elektron Aktivlik Sistemi üzərindən təsis edilmişdir.

Layihənin əsas məqsədi Azərbaycan dili üzrə nitqin tanınması üçün süni intellekt sahəsinin inkişafının dəstəklənməsi, müxtəlif növ böyük məlumat bazalarının hazırlanmasıdır. Yarış 21-27 sentyabr tarixlərini əhatə edəcək və layihə ərzində ən çox mətn səsləndirən könüllülər mükafatlandırılacaq.

Mükafatlandırma mərasimi cari ilin oktyabr ayında Nəqliyyat, Rabitə və Yüksək Texnologiyalar Nazirliyinin təşəbbüsü ilə keçiriləcək “InnoWeek - İnnovasiyalar Həftəsi” çərçivəsində təşkil ediləcəkdir.
Yarışda iştirak etmək istəyən gənclər aşağıdakı keçiddən qeydiyyatdan keçə bilərlər: //dc.mymedia.az/


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.