“Google” elektron kitab mağazası açdı

07-12-2010 / 13:45

 Dünyanın nəhəng internet nəhənglərindən olan “Google” şirkəti ABŞ-ın elektron kitab bazarına daxil olmağa hazırlaşır.

“Google eBookstore” layihəsi çərçivəsində açılan “Google eBooks” elektron kitab mağazasında 3 mln.-dan artıq kitab adına rast gəlmək mümkündür. Onlardan 100 mini bu gündən etibarən satışa çıxarılacaq.

“Google” şirkətinin rəsmi bloqunda bildirilir ki, yeni xidmət istifadəçilərə müxtəlif sahələrə dair kitablardan istifadə etmək, müəlliflərə isə daha populyar və əlçatan olmaq imkanı verəcək. Bu servisin “Amazon” internet mağazasına rəqib olacağı proqnozlaşdırılır.

Qeyd edək ki, qərargahı Mauntin-Vyu şəhərində yerləşən “Google” korporasiyası dünyanın ən məşhur internet axtarış sisteminə sahibdir. Bu sistem ayda 41 mlrd. 345 mln. sorğunu emal edir. Şirkətin 20,5 min əməkdaşı var.

mənbə: APA


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.