Google şirkəti Yahoo! ilə sazişdən imtina edib

07-11-2008 / 19:28
Google şirkəti Yahoo! ilə internet-reklam bazarında əməkdaşlığa dair sazişin imzalanmasından imtina edib. Google-un rəsmi bloqunda qeyd olunur ki, ABŞ antiinhisar orqanları tərəfindən həmin sazişin araşdırılması prosesi artıq dörd aydır ki davam edir, lakin buna baxmayaraq tənzimləyici orqanlara hələ ki qaranlıq qalan suallar var.
Lenta yazır ki, Google-un bəyanatına əsasən, ABŞ Ədliyyə Nazirliyinin antiinhisar araşdırması “şirkətin lazımi tərəfdaşlarla əlaqələrinə” neqativ təsir göstərə bilər . Xatırladaq ki, oktyabr ayının əvvəlində Yahoo! və Google sazişin bağlanılmasını Ədliyyə Nazirliyi ilə danışıqların aparılmasına görə bir aylıq təxirə salmışdırlar.
İlk əvvəl şirkətlər sazişi 2008-ci ilin oktyabr ayında imzalanmasını planlaşdırırdılar. Bundan əlavə Google və Yahoo! internet-reklam mübadiləsinə dair sazişinin şərtlərinin, antiinhisar orqanlarının bəyənilməsi üçün yenidən baxılmasına dair niyyətləri barədə xəbər vermişdilər. Nəticədə qərara alınmışdır ki, müqavilənin müddəti 2 il azalsın. Google və Yahoo! arasında sazişin hazırlanması barədə 2008-ci ilin 12 iyun tarixində məlum olmuşdur. Sazişin şərtlərinə əsasən Yahoo!-nun axtarış sistemində təqdim olunan nəticələrdə Google-un kontekst reklamı yerləşdirilməli idi. Müqavilə yalnız ABŞ və Kanadaya aid olunmuşdur.
Mənbə: rabita.az

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.