Hindistan Azərbaycan vətəndaşlarını İT kurslarına dəvət edir

20-04-2009 / 15:18

Hindistan Respublikasının Azərbaycandakı səfirliyi Azərbaycan tərəfini Hindistan hökumətinin 2009-2010-cu illər üçün təqdim etdiyi Texniki və İqtisadi Əməkdaşlıq Proqramı (İTEC) çərçivəsində İT kurslarda iştirak etməyə dəvət edib.

Kurslarda iştirak etmək istəyən namizədlər ingilis dilini yüksək səviyyədə bilməli, eyni zamanda tibbi cəhətdən sağlam olmalıdırlar. Hindistan səfirliyində namizədlərlə müsahibə keçiriləcək.
Kurslar təşkilatçılar tərəfindən maliyyələşdirilir. Uçuş xərcləri, müvafiq İnstitut tərəfindən qalmaq yeri və kursun davam etdiyi müddətdə müəyyən müavinətlər təşkilatçı qurum tərəfindən təmin ediləcək. Müavinətlər gündəlik yemək xərcləri üçün nəzərdə tutulur.

Kurslar barədə əlavə məlumat almaq və ya kurslarda iştirak etmək istəyən şəxslər 01 may 2009-cu il tarixinə kimi Azərbaycan Respublikası Rabitə və İnformasiya Texnologiyaları Nazirliyinin Strateji planlaşdırma və elmi potensial şöbəsinə müraciət edə bilərlər. (Əlaqə telefonu 598-07-36. Əlaqələndirici şəxs – Şəbnəm Məmmədova).

Daha ətraflı məlumatı http://itec.nic.in/. saytından da əldə etmək olar.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.