TƏHLİL VƏ RƏYLƏR

Azərbaycanda informasiya və kommuniaksiya texnologiyaları bazarının davamlı inkişafı ilk öncə ölkə iqtisadiyyatının sabitliyi ilə əlaqələdir.

Xeberler.az bildirir ki, bu haqda HP şirkətinin MDB ölkələri üzrə baş direktoru Rudi Kozak bəyanat verib.

Onun sözlərinə görə, dünya maliyyə bazarlarında baş verən dəyişikliklər fonunda Azərbaycanın stabil iqtisadiyyatı ölkədə fəaliyyət üçün əlverişli mühit yaradır.

Məhz elə əlverişli iqtisadi şərtlər, maliyyə böhranı əlamətlərinin olmaması, milli valyutanın sabitliyi uğurlu biznes üçün əla imkanlar yaradır.

R.Kozak qeyd edib ki, sabit iqtisadiyyat sayəsində HP şirkətinin 2009-cu maliyyə ili ərzində Azərbaycan üzrə aralıq nəticələri müsbət oldu. Həm İKT-nin tətbiqi sahəsində həyata keçirilən iri layihələri, həm də kompüter və digər avadanlıqların satış artımını müsbət qiymətləndirmək olar.

R.Kozak həmçinin bildirib ki, İKT sahəsində məhsul, xidmət və həllərə olan tələbat isqtisadiyyatın sabit olmasından xəbər verir. Azərbaycandan fəqrli olaraq MDB-nin bəzi digər ölkələrində bir çox istiqamətlər üzrə həmin göstəricilər aşağıdır.

Azərbaycanda HP-nin məhsul və həllərinə olan tələbatın strukturunu təhlil edən, R.Kozak ən böyük tələbatın server həllərinə olduğunu bildirib ki, bu da iqtisadiyyatda əla bir durumun göstəricisidir.

Xeberler.az