Azərbaycan İKT sahəsində beynəlxalq simpoziumda iştirak edəcək

13-10-2015 / 11:37

Azərbaycan Beynəlxalq Telekommunikasiya İttifaqının rabitə və İKT sahəsində ümumdünya göstəricilər üzrə 13-cü Simpoziumu -  “WTIS-2015”-də təmsil olunacaq.
 
Xeberler.az-ın məluamtına görə, noyabrın 30-dan dekabrın 2-dək davam edəcək tədbirdə İKT üzrə beynəlxalq statistika məsələləri müzakirə olunacaq.
 
Tədbirdə Azərbaycanı Rabitə və Yüksək Texnologiyalar Nazirliyinin maliyyə, uçot və iqtisadi təhlil şöbəsinin iqtisadi təhlil şöbəsinin müdiri Heydər Rüstəmov təmsil edəcək.
 
“WTIS-2015” İKT sahəsində statistikaya dair diskussiyalar aparılacaq, o cümlədən İKT-nin innovasiyalar və sahibkarlıq sahələrinin inkişafında rolu müzakirə ediləcək.   
 
Simpoziumun digər sessiyaları İKT sektorunda böyük həcmli məlumatlar sahəsində inqilab, İKT-nin təsirinin ölçülməsində əldə olunan uğurlar, İKT göstəricilərinin monitorinqi sistemi və dayanıqlı inkişaf məqsədləri kimi aktual mövzulara həsr ediləcək.
 
Tədbirdə həmçinin ölkələrin informasiya cəmiyyətinin inkişaf dinamikasını izləməyə imkan verən və nəzarət göstəricilərini müəyyən edən ümumdünya aləti kimi İKT-nin İnkişaf İndeksi (IDI) təqdim ediləcək.
 
“WTIS-2015” Beynəlxalq Telekommunikasiya İttifaqının Rabitənin İnkişafı Bürosu tərəfindən Yaponiya hökuməti ilə birgə təşkil olunur. Tədbirdə İKT nazirləri, müxtəlif ölkələrin rabitə və İKT tənzimləyiciləri, beynəlxalq təşkilatların, özəl rabitə və  İKT şirkətlərinin  rəhbərləri və ekspertlər iştirak edəcək.
 
“WTIS-2015” beynəlxalq İKT statistikası məsələlərinin müzakirəsi üçün keçirilən əsas beynəlxalq forumdur.

Məltəm Talıbzadə 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.