Internet Explorer 8 –də xüsusi işləmə rejimi yaradılacaq
25-08-2008
10:31
BBC-nin verdiyi məlumata görə, üzərində hazırlıq işləri gedən Microsoft Internet Explorer brauzerinin səkkizinci versiyasında xüsusi saytlara daxil olma rejimi olacaq.
Istifadəçilərin onlayn resurslarında olan izlərini məhv etmək üçün IE8-in tərkibinə potentləşdirilmiş Cleartracks və Inprivate texnologiyaları daxil olunub. Yeni rejimdə keş faylları, səhifələrə giriş yaddaşı, cookies faylları (bu fayllar saytın müxtəlif səhifələrinə daxil olan istifadəçi haqda məlumatları yaddaşda saxlayır) və istifadəçinin internetdə nə ilə məşğul olduğunu göstərən digər məlumatlar silinir.
Brauzer həmçinin, şəbəkəyə verilən məlumatları tapıb çıxara bilir.
Onu da qeyd etmək lazımdır ki, IE8 –də təhlükəsizlik və məxfiliyin saxlanılması üçün də mexanizmlər quraşdırılacaq. Məsələn, istifadəçilərin təhlükəli saytları izləyən zaman XSS-hücumlar(Cross-Site Scripting) haqda xəbərdarlıq meydana gələcək. Automatic Crash Recovery modulu isə brauzerdə qəza baş verərsə, silinmiş məlumatları bərpa etməyə kömək edəcək.
Internet Explorer 8-in digər xüsusiyyətləri arasında müxtəlif obyektlərdən ibarət veb-səhifə üçün işləyən Activities menyusunu və WebSlices saytındakı dəyişikliklərin xəbərdar edilməsi sistemini də qeyd etmək olar. Hazırda brauzer beta-test mərhələsini (bu mərhələdə funksiyaların əksəriyyəti hazır olur) keçir, final versiyasının gələn il çıxacağı gözlənilir.
