İREX jurnalistlər üçün qrant müsabiqəsi elan edir

04-06-2012 / 15:04
IREX –Azərbaycan Nümayəndəliyi Azərbaycanda Yeni Media Layihəsi sərbəst (freelance) jurnalistlər üçün kiçik qrant müsabiqəsi elan edir. Müsabiqə ilə yanaşı jurnalistlərə “Sərbəst jurnalistika sahibkarlıq fəaliyyəti növü kimi” mövzusunda Amerikalı jurnalist Karen Coates’in (http://www.linkedin.com/pub/karen-coates/7/a00/907) iki günlük  təlimi də təqdim olunacaq.
Təlim iyulun 1-ci həftəsində Bakı, Şəki və Mingəçevirdə keçiriləcək (konkret tarix tezliklə bəlli olacaq).
Təlimdə iştirakçılara öz biznes modellərini qurmaq: xəbər istehsalı müəssisəsini yaratmaq və ya bir sərbəst jurnalist kimi reportajını media qurumuna  daha effektiv satmaq üçün nələri bilməlidir mövzusunda məsləhətlər veriləcək.
İştirak etmək  istəyən  jurnalistlər iyunun 15-dək [email protected], [email protected], [email protected]  ünvanlarına aşağıdakı kriteriyalar üzrə  mövzu təklifləri göndərə bilərlər.   
Hər  region üzrə seçilmiş ən yaxşı maksimum üç təklifin hərəsi üçün 500 AZN-ə qədər kiçik qrant (səfər və avadanlıq xərclərini qarşılamaq məqsədilə) ayrılacaq.
Mövzu təklifləri üçün seçim kriteriyaları:
-  Təklif olunan mövzunun xülasəsi (1 səh.);
-   Mövzunun hazırlanması zamanı istifadəsi nəzərdə tutulan mənbələr, nəzərdə tutduğunuz araşdırma metodları, mövzunun işıqlandırılması məqsədilə səfər ediləcək ərazilərin siyahısı;
-   Mövzunun vacibliyinin və çap olunarsa, onun mümkün təsirinin əsaslandırılması  (2-3 abzas);
-   Reportajınız hazır olarsa, onun hansı mətbuat orqanında dərc edəcəksiniz? Nəzərdə tutduğunuz mətbuat orqanlarının siyahısı;
-  Mövzu təklifinin büdcəsi: səfər xərcləri, aşağı qiymətli avadanlığın alınması (flip camera, səsyazma qurğusu, tərcümə xidməti və s.);
-  İndiyə qədər dərc olunan üç reportajınızın nümunəsi (linklər).


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə