TƏDBİRLƏR

Dünən,17 İyul tarixində Media Mərkəzində Yeni Nəsl Jurnalistlər Birliyi və Media Mərkəzinin təşkilatçılığı ilə “Jurnalistləri peşə fəaliyyətinə görə həbs etmək olarmı?” mövzusunda debat keçirilib. Dspiker qismində millət vəkili Nizami Cəfərov və “Ümid” Partiyasının sədri, millət vəkili İqbal Ağazadə çıxış edib.

İlk olaraq çıxış edən İqbal Ağazadə bildirib ki, onun 2000-ci ildən bəri Milli Məclisin deputatı seçilməsindən bəri fəaliyyəti ilə bağlı müxtəlif təhqirlər olub, amma o, heç bir jurnalisti məhkəməyə verməyib. Onun sözlərinə görə, demokratik cəmiyyətdə fikir bildirməsinə görə, jurnalisti cinayət məsuliyyətinə cəlb etmək düzgün deyil.

“Fəaliyyətim müddətində jurnalistlər tərəfindən bir sıra təhqirlərə məruz qalmışam. Buna baxmayaraq heç bir jurnalisti həbs etdirməyə cəhd etməmişəm. Ancaq böyük məmnuniyyətlə bir neçə jurnalisti döyərdim”,- deyə bu məsələ ilə bağlı Nizami Cəfərov bildirib.

Ardınca İ.Ağazadə Milli Məclisin qəzetlərə ali ixtisı olmaya şəxslərin başçılıq etəməməsi haqqında qəbul etdiyi qanuna münasibət bildirərək əlavə edib ki, qəzet biznes fəaliyyəti də ola bilər və hər hansı bir şəxs ali təhsili olmasa belə informasiya satışı ilə məşğul ola bilər.

Nizami Cəfərov da öz növbəsində bəzi KİV vasitələrini peşəkarların idarə etmədiyini, redaktənin düzgün aparılmadığını qeyd edərək əlavə edib ki, bu səbəbdən də qəzetləri ali ixtisaslı peşəkarlar idarə etməlidir. Onun sözlərinə görə, jurnalistika fəliyyəti sahibkarlıq prinsipləri, qanunları ilə tənzimlənməməlidir. Nizami Cəfərovun sözlərinə görə, müstəqil fikir demək hər zaman çətin olub, açıq fikir isə cəzalandırılmamalıdır. Lakin o bildirib ki, vətəni satmaqla məşğul olan jurnalist həbs edilməlidir.

Daha sonra tədbirdə iştirak edən ekspertlər bu ilin payızında Diffamasiya haqqında qanunun müzakirəsi üçün Milli Məclisə müraciət edəcəklərin bildirib. Hər iki millət vəkili bu qanunun qəbulunun çox vacib olduğunu qeyd ediblər. Debat zamanı iştirakçılar bu mövzu ətrafında geniş müzakirələr aparıb, sualları ilə spikerlərə müraciət ediblər.