YENİ İDMAN KANALI: "Fanat TV" yaradılır

22-06-2010 / 09:04

"Fanat" İdman Agentliyi yeni layihənin icrasına hazırlaşır. Bu barədə agentliyin rəhbəri Əli Sahib məlumat verib. Onun sözlərinə görə, yeni futbol mövsümündən başalayaraq, Azərbaycan internet mıəkanında ilk idman televiziyası - "Fanat TV" fəaliyyətə başlayacaq.

"Fanat TV"nin yaradılmasında əsas məqsəd Azərbaycan futbolunun, xüsusən də uşaq futbolunun, gənc ulduzların təbliğidir. "Sabahın ulduzları", 13, 15, 17 yaşlıların oynağıdı Azərbaycan çempionatının oyunlarının canlı yayımını reallaşdırmaq, Premyer Liqa klublarının aşağı yaş qruplarının diqqət mərkəzində saxlanması əsas hədəfimiz olacaq. Çünki idman mətbuatı əsasən Premyer Liqanın oyunlarına diqqət ayırdığından digər çempionatlar, aşağı yaş qrupları diqqətdən kənarda qalır" - deyə Ə.Sahib bildirdi.

Agentliyin direktoru əlavə etdi ki, "Fanat TV"də Premyer Liqa oyunları da öz geniş əksini tapacaq: "Əsas diqqətimizi uşaq futboluna yönəltsək də, Azərbaycan futbol həyatının bütün sahələrini əhatə etməyə çalışacaq, Premyer Liqa komandalarına, keçirilən oyunlara xüsusi diqqət ayıracağıq. Həm oyunların canlı yayımı, həm də qarşılaşmaların ən yadda qalan məqamlarını, vurulan qolları izləyicilərə təqdim edəcəyik. Gündəlik idman xəbərləri, icmallar, mütəxəssis rəyləri- bütün bunlar "Fanat TV"nin gündəlik proqramını təşkil edəcək".

Ə.Sahib bildirdi ki, "Fanat TV" layihəsini ilkin olaraq öz gücləri hesabına reallaşdıracaqlar:  "Amma "Fanat TV" bir layihə kimi istər başlanğıcda, istərsə də işin gedişatında çox böyük xərclər tələb edir. Məqsədin Azərbaycan futbolunun təbliği və inkişafı olduğunu nəzərə alsaq, bütün aidiyyatı qurumların da bu işə dəstək olması zəruridir. AFFA-dan, PFL-dən, klublardan, idmana sponsorluq etməkdə maraqlı olan Unibank, Kapitalbank, Azercell və sairə kimi iri şirkətlərdən dəstək gözləyirik".

Mənbə: www.qaynar.info


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.