MDB ölkələri ilə rominq danışıqları ucuzlaşa bilər

07-04-2015 / 21:15

“RYTN Rusiya Federasiyası ilə rominq tarifləri istiqamətində danışıqlar aparır”.

Bunu rabitə və yüksək texnologiyalar nazirinin müavini İltimas Məmmədov bu gün Bakıda "Azerfon" şirkətinin təşkilatçılığı ilə keçirilən mətbuat konfransında MDB ölkələri ilə  rominq  danışıqlarına münasibət bildirərkən deyib.

Onun sözlərinə görə, MDB ölkələrindən yalnız  rominq xidməti ilə yox, bir çox məsələlərlə bağlı nazirliyə çoxlu sayda müraciətlər daxil olur.

Nazirliyin rəsmisi qeyd edib ki, bütün bunları nəzərə alaraq RYTN hər bir ölkə ilə ayrı-ayrılıqda danışıqlar aparacaq.

İltimas Məmmədov bildirib ki, bu məsələ ilə bağlı  ölkədə fəaliyyət göstərən mobil operatorlarla da müzakirələr aparılıb və razılaşmalar əldə olunub.

O vurğulayıb ki, rominq tarifləri ilə bağlı bundan sonra nazirlik həm qonşu, həm də MDB ölkələri ilə ayrılıqda danışıqlar aparacaq.

Qeyd edək ki, hazırda Azərbaycanda rominq tarifləri ilə bağlı ciddi narazılıqlar var. Belə ki, istifadəçilər rominq tariflərinin çox yüksək olmasından şikayətlənir.

 Məltəm Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə