TƏDBİRLƏR

Mayın 12-14-də Bakı Ekspo Mərkəzində 5-ci Yubiley Beynəlxalq Yol İnfrastrukturu və İctimai Nəqliyyat (Road & Rraffic 2015) sərgisi keçiriləcək.

Xəbərlər "roadtraffic.iteca.az” mənbəsinə istinadən xəbər verir ki, sərgi regionun yol-tunel layihələndirməsi və tikintisi, habelə yol təhlükəsizliyi, intellektual nəqliyyat sistemi (its) və ictimai nəqliyyat peşəkarlarını bir araya gətirəcək aparıcı ixtisaslaşdırılmış tədbirdir.

Eləcə də, mayın 13-də saat 15:00-da “Ultra Technologies” şirkəti sərgi çərçivəsində “İnfrastruktur layihələrin daha effektiv idarə edilməsi” mövzusunda (Bakı Ekspo mərkəzininin seminar zalı №21) seminar keçirəcək.

Seminarın keçirilməsində əsas məqsəd xətti tikinti (linear projects) sektorunun iş prosesinin, yol-infrastruktur layihələrdə maliyyə vəsaitləri axınının daha effektiv idarə edilməsi, yeni texnologiyaların tətbiqi, cədvəlqurma texnikalarından istifadə edərək layihə uğurlarının artırılmasıdır.

Seminarda dünya təcrübəsində geniş istifadə olunan xətti tikinti və infrastruktur layihələrinin idarə edilməsi üçün nəzərdə tutulmuş - “zaman – məsafə planlaşdırma” əsaslı TİLOS proqram təminatı nümayiş etdiriləcək.

TİLOS - infrastruktur layihələri texnologiyasının (yol, tunel, boru-xətti, ötürmə xəttlərinin və s.) “zaman-məsafə” diaqramlarını tərtib etmək üçün nəzərdə tutulan qrafik interfeysə malikdir. TİLOS qrafikləri, həmçinin iş fəaliyyəti, resurslar və məhsuldarlıq profilləri kimi verilənləri idxal etməyə və məsafə oxu ilə sinxronlaşdırmaya imkan yaradaraq planlaşdırma səhvlərini də aradan qaldırır. 

Yüksək keyfiyyətli müasir proqram olan TİLOS bütün dünyada çoxsaylı əhəmiyyətli layihələrdə istifadə olunub və özünü təsdiqləyib. 2000-dən çox müştərisi olan bu proqram artıq 54 ölkədə tətbiq edilməkdədir.

Dünyaca məhşur “Baku-Tbilisi-Ceyhan” P.L., “Hong Kong Airport”, “Warsaw International Airport Terminal 2”, “Qatar Metro”, “Nabucco”, “Moscow Metro”, “Qatar Rail”, “Eskisehir High Speed”, “Izmir Highway”, “Stroytransgaz (Gasprom)”, TANAP və digər əhəmiyyyətli layihələrin idarə edilməsində sözügedən proqram uğurla tətbiq edilib.

Xeberler.az