Ramin Quluzadə beynəlxalq forumda iştirak edir

28-11-2017 / 17:15

Nəqliyyat, rabitə və yüksək texnologiyalar naziri Ramin Quluzadənin rəhbərliyi ilə nümayəndə heyəti Gürcüstanın paytaxtı Tbilisi şəhərində keçirilən "Tbilisi Kəmər və Yol Forumu"nda  iştirak edir.

Xeberler.az bildirir ki,"Nəqliyyat infrastrukturu" mövzusunda təşkil olunan Panel sessiyada Ramin Quluzadə "Beynəlxalq Nəqliyyat Dəhlizləri və Azərbaycan Respublikasında İnfrastrukturun İnkişafı" mövzusunda çıxış edib.

Çıxışda qlobal infrastruktur layihələrinin reallaşmasında dövlət dəstəyinin və Azərbaycanın coğrafi mövqeyinin əhəmiyyəti qeyd edilib.  Bakı-Tbilisi-Qars dəmir yolu xətti və Yeni Bakı Beynəlxalq Dəniz Ticarəti Limanı kimi miqyaslı layihələrin yeni beynəlxalq nəqliyyat dəhlizlərinin formalaşmasında rolu və bunun sayəsində beynəlxalq yük daşımalarının həcminin artması vurğulanıb.

Şərq-Qərb və Şimal-Cənub nəqliyyat dəhlizinin mövcud vəziyyəti və gələcək perspektivləri,  infrastruktur layihələrinin həyata keçirilməsində innovativ həllərin tətbiq edilməsi və investisiyaların cəlb olunması kimi məsələlər çıxışın əsas mövzularından olub.

Daha sonra Ramin Quluzadə ilə Gürcüstanın baş nazirinin birinci müavini, iqtisadiyyat və davamlı inkişaf naziri Dmitri Kumsişvili arasında ikitərəfli görüş keçirilib.

Görüş zamanı regional nəqliyyat layihələrinin reallaşdırılmasında Azərbaycan-Gürcüstan əməkdaşlığı və gələcək perspektivlər  barədə müzakirə aparılıb.

Eyni zamanda, Dmitri Kumsişvili Bakı-Tbilisi-Qars dəmir yolu xəttinin reallaşdırılmasında Azərbaycanın əhəmiyyətli rol oynadığını və bunun nəticəsi olaraq üç ölkəni birləşdirən dəmir yolu xəttinin Qədim İpək Yolunun mühüm hissəsi olduğunu qeyd edib.

İki gün davam edəcək forumda 60-dan çox ölkədən 2 minə yaxın nümayəndə iştirak edir.

 Günel


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə