Məktəblilər arasında fənn müsabiqələri keçirilib

07-11-2015 / 16:13

Noyabrın 7-də Bakı şəhəri üzrə 18, 138, 252, 276 nömrəli məktəblərdə fənn müsabiqələri keçirilib.

Bakı Şəhəri üzrə Təhsil İdarəsindən (BŞTİ) Xeberler.az-a bildirilib ki, Təhsil nazirinin “Beynəlxalq fənn olimpiadalarına hazırlıq işlərinin təşkili barədə” müvafiq əmrinə əsasən keçirilən fənn müsabiqələri VII-VIII sinif şagirdləri arasında təşkil edilib. Beş fənn üzrə keçirilən fənn müsabiqələrində fizika, kimya, biologiya və informatika fənləri üzrə VIII, riyaziyyat fənni üzrə isə VII sinif şagirdləri iştirak ediblər.

Müsabiqə iştirakçılarına 30 test sualını cavablandırmaq üçün 1,5 saat vaxt verilib.

Qeyd edək ki, fənn müsabiqələrinin yanvar ayınadək üç dəfə keçirilməsi nəzərdə tutulub. Müsabiqədə iştirakçıları nəticələrindən asılı olmayaraq hər üç mərhələdə biliklərini sınayacaqlar.

Fənn müsabiqələrində fərqlənən şagirdlər BŞTİ tərəfindən mükafatlandırılacaqlar.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.