İKT TƏHSİL

Orta məktəb şagirdlərinin biliyinin qiymətləndirilməsi üçün fənlər üzrə sınaq imtahanı sual kitabçaları dərc olunub.

Kitabçalar ilkin mərhələdə 5, 6, 7 və 8-ci sinif şagirdləri üçün hazırlanıb. Hər sinif üzrə 4 sınaq kitabçasının nəşr olunması nəzərdə tutulur. Hər sual kitabçası tədris ilinin ¼ hissəsini əhatə edir.

Kitabçada hər bir fənn üzrə 10 test tapşırığı (5-ci sinif 5 fənn, 6-cı sinif 10 fənn, 7 və 8-ci siniflər 11 fənn) verilib.

Xeberler.az bildirir ki, sual kitabçası daxilində rahat ayrılaraq istifadə oluna biləcək unikal iş nömrəsi və QR kod ilə təchiz olunmuş «Cavab kartı» yerləşdirilib.

Cavab kartındakı QR kod vasitəsilə şagirdlər otk.az portalına keçid edərək əlavə ÖDƏNİŞSİZ daha bir onlayn sınaq imtahanı da verə biləcəklər.

Cavab kartındakı QR kod vasitəsilə otk.az portalına keçərək və ya https://otk.az/?menu=sualkitabchalari ünvanına daxil olaraq test tapşırıqlarının cavablarını müvafiq xanalara daxil etməklə nəticəni (toplanılan balı) öyrənmək mümkündür.

Bu kitabça vasitəsilə:

- MÜƏLLİMLƏR keçilən mövzular üzrə şagirdlərinin biliyini operativ yoxlaya bilərlər;

- VALİDEYNLƏR ev şəraitində sınaq imtahanı keçirməklə övladlarının hazırlıq səviyyələrini müəyyənləşdirə bilərlər .

- ŞAGİRDLƏR mövzular və fənlər üzrə biliyini yoxlaya, həmçinin ev şəraitində onlayn sınaq imtahanından da yararlana bilərlər.