Məleykə Abbaszadə BMT-nin beynəlxalq işçi qrupunda təmsil olunur

14-12-2014 / 20:42

Tələbə Qəbulu üzrə Dövlət Komissiyasının (TQDK) sədri Məleykə Abbaszadə UNESCO Statistika İnstitutu və Brookinqs Universal Təhsil Mərkəzinin təşəbbüsü ilə təhsildə qiymətləndirmə üzrə yaradılan beynəlxalq mütəxəssislər qrupunda təmsil olunur.   

Qrup dünya ölkələri və beynəlxalq təşkilatlar üçün təhsilin inkişafı, təhsil imkanlarının genişləndirilməsi, təhsildə informasiya texnologiyalarının tətbiqi, təhsilin keyfiyyətin yüksəldilməsi və qiymətləndirmə ilə bağlı tövsiyələr hazırlayır

Xeberler.az-ın məlumatına görə, beynəlxalq qrupda bir neçə səviyyə üzrə işçi qruplar formalaşdırılıb. Qlobal səviyyə üzrə işçi qrupunda Şərqi Avropa ölkələrindən yalnız TQDK sədri Məleykə Abbaszadə təmsil olunur. Milli səviyyəli və digər beynəlxalq işçi qruplarında TQDK əməkdaşları Natiq Əliyev və Vəli Hüseynovun adları var.

Beynəlxalq Qrup bu ilin ortalarinda təhsilin keyfiyyətinin yüksəldilməsi, təhsilin keyfiyyətinin müəyyən edilməsi yolları və qiymətləndrimə parametrləri ilə bağlı özünün 3-cü Hesabatını təqdim edib.

Adi çəkilən beynəlxalq mütəxəssislər qrupu hazirda 2015-ci ildə yekun sənəd təqdim etməyə hazırlaşır.

İlkin hesabatlarda təhsilin qlobal səviyyədə ölçmə meyarlarının hazırlanmasına üstünlük verilirdisə  hazırda ölkə daxili  qiymətləndirmə məsələsinə diqqət yetiriləcəyi haqda razılığa gəlinib.

Hazırda Beynəlxalq Qrup təhsilin bütün sahələrində tədrisin keyfiyyətinin yaxşılaşdırılması üçün effektli mexanizmləri hazırlanmağa çalışır. 2015-ci ildə Beynəlxalq qrupun təşkilatı strukturlarının da təkmilləşdiriləcəyi gözlənilir. Təhsilim qiymətləndirilməsi üzrə informasiya təminatı da gücləndiriləcək.


ŞƏRHLƏR


OXŞAR XƏBƏRLƏR







sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə