Kiyevdə GUAM-ın İnformasiya texnologiyaları üzrə işçi qrupunun iclası keçirilib

17-12-2010 / 17:07

Azərbaycan Rabiət və İnformasiya Texnologiyaları Nazirliyindən «APA»ya verilən məlumata görə, görüşə GUAM-a üzv-ölkələrin aidiyyəti nazirlik və idarələrin nümayəndələri qatılıb. Azərbaycanı iclasda Rabitə və İnformasiya Texnologiyaları Nazirliyinin əməkdaşları təmsil edib.

İclasın yekunlarına əsasən informasiya texnologiyaları sahəsini əhatə edən qanunvericiliyin təkmilləşdirilməsi üzrə sistematik məlumat, statistik göstəricilər, eləcə də makrogöstəricilər və bu sahədə həyata keçirilən layihələr üzrə məlumat mübadiləsinin aparılması, GUAM-a üzv-ölkələrin vahid informasiya məkanının formalaşdırılması Strategiyası layihəsi üzrə təkliflərin verilməsinə dair qərarlar qəbul olunub.

Bundan başqa, iştirakçılar mədəniyyət, elm və təhsil, həmçinin informasiya texnologiyaları üzrə işçi qrupların üzv-ölkələrdə distant təhsilin inkişafı mövzusunda birgə iclaslarının keçirilməsini, eləcə də beynəlxalq sahə tədbirlərində iştirak zamanı mövqelərin razılaşdırılması üzrə fəaliyyətin əlaqələndirilməsinin fəallaşdırılmasını qərara alıblar.

İclasda həmçinin informasiya texnologiyaları sahəsi üzrə kadr və mütəxəssislərin hazırlanmasına dair mövcud potensial haqqında məlumatların təqdim olunması istiqamətində də razılıq əldə olunub.

İnformasiya texnologiyaları üzrə işçi qrupunun növbəti iclası 2011-ci ilin birinci yarısında keçiriləcək. 


 


ŞƏRHLƏR


OXŞAR XƏBƏRLƏR







sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.