AZNET

Texnologiya dünyasında təqdim olunma mərasimi həmişə gözlənildiyi kimi olmur. Texniki problemlər, auditoriyanın mənfi reaksiyası və ya problemli cihaz CEO-ları çıxılmaz vəziyyətə sala bilir.

Xeberler.az bu dəfə CEO-ların təqdimat zamanı çıxılmaz vəziyyətə düşdüyü anları təqdim edir.

Bill Gates - 1998 / Windows 98 təqdimatı

Bill Gatesin yaşadığı "mavi ekran faciəsi" texnologiya dünyasında ən çox bilinən problemli məhsullardan biridir. 20 aprel 1998-ci ildə keçirilən sərgidə keçirilən Windows 98 təqdimatı zamanı “mavi ekran” səhvinin baş verməsi CNN kanalında canlı olaraq yayımlanıb.

Steve Sinofsky -  2010 / Surface-in donması

Planşet bazarına sürətlə  daxil olmaq istəyən Microsoft 2010-cu ildə ilk Surface planşetini təqdim edib. Şirkətin nümayəndəsi Steve Sinofsky yeni planşetin funksiyalarından bəhs edərkən bu funksiyaları planşet üzərində həyata keçirir. "Video musiqi, İnternet Explorer kimi bütün Windows proqramlarına daxil ola bilir"  deyən zaman isə İnternet Explorer açılmadığı üçün planşet donur.

Steve Sinofsky cihazın problemsiz veb axtarış bacarığının olduğundan bəhs etdiyi anda donması onu çıxılmaz vəziyyətə salıb.

Steve Jobs - 2010 / iPhone 4 Wi-Fi problemi

Apple-ın CEO-su Steve Jobs iPhone 4-ü təqdim edərkən problemlər yaşanıb. Yeni cihazın retina ekran funksiyasnı müxtəlif proqramlarda göstərən Steve Jobs Safarini  açıb veb səhifələrində retina ekranın fərqini göstərməyə çalışarkən problemlə qarşılaşır. Belə ki,  iPhone 3Gs Wi-Fi əlaqəsi normal işləsə də, iPhone 4-də bu əməliyyat uğursuz alınır.

Loic Poirier -2012 / Quechua Phone

 Archos CEO-su Loic Poirier yeni ağıllı telefonu olan Quechua Phone-un funksiyalarından danışarkən su keçirməz olduğunu söyləyir. Lakin bu özəlliyi sınaqdan keçirmək üçün telefonu suyun içərisinə daxil etdikdən sonra telefonun sensoru işləmir. 

Johnny Shih - 2012 / ASUS Taichi

Asus CEO-su Johnny Shih Computex 2012-də cüt ekranlı ASUS Taichi noutbukunu tanıdıb. Cihazın böyük innovasiya olaraq göstərdiyi cüt ekran funksiyası kiçik tamaşa ilə izah edilib. Heç kimi güldürməyən tamaşadan sonra CEO-nun həvəslə təqdim etdiyi cihaz auditoriya tərəfindən həvəslə qarşılanmayıb. Cihazın yalnız CEO-nu təəccübləndirmsi diqqətlərdən yayınmayıb.

Sevinc Əsədova