Microsoft telefonlar üçün hazırladığı klaviaturanı təqdim etdi

04-03-2015 / 17:05

Microsoft-un təqdim etdiyi  yeni qatlana bilən  klaviatura ağıllı telefon istifadəçiləri üçün yazı yazmağı daha asanlaşdıracaq. 

Microsoft şirkəti dünən Barselonada başlayan «Mobile World Congress 2015» çərçivəsində yeni ağıllı telefonlar Lumia 640 və Lumia 640 XL-i rəsmi olaraq  təqdim edib.  Bununla yanaşı, şirkət telefonlarda yazı yazmağı  asan və sürətli  etmək üçün yeni klaviaturanı  da sərgi çərçivəsində istifadəçilərə  tanıdıb.

Microsoft-un «MWC 2015» çərçivəsində təşkil etdiyi mətbuat konfransında şirkət rəhbəri Julia White yeni qatlana bilən klaviaturanın ağıllı telefonları daha çox funksional cihazlar halına gətirəcəyini ifadə edib. Mətbuat konfransında özünə olduqca qısa bir müddət ayrılan bu yeni klaviatura haqqında maraqlanılan bir çox detal hələ açıqlanmamış olsa da, klaviaturanın Bluetooth bağlantısı ilə gəldiyi və bütün mobil əməliyyat sistemləri ilə uyğun olduğu bildirilib.

Android, iOS və Windows Phone istifadəçiləri üçün olduqca faydalı ola biləcək bu yeni qatlanan klaviaturanın tablet və digər oxşar cihazlarla da uyğun olması gözlənilir.

 

                                                                                            Sevil Rəsulzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.