Microsoft və Amazon müqavilə imzaladı

02-09-2015 / 13:24

ABŞ Federal Mülki Aviasiya İdarəsi (Federal Aviation Administration, FAA) Microsoft və Amazon şirkətləri ilə “bulud” texnologiyalarının alışına dair uzunmüddətli saziş imzalayıb.

Xeberler.az RYTN-in rəsmi saytına istinadən məlumat verir ki, layihədə sistem inteqratoru kimi Amazon Web Services və Microsoft Azure həllərinin inkişafı ilə məşğul olan CSC Government Solutions şirkəti çıxış edir.  

Microsoft  və Amazon-un “bulud” həlləri əsasında mühafizəli federal telekommunikasiya infrastrukturundan istifadə edən informasiya emalı və saxlanması servisləri işə salınacaq.

Sazişin dəyəri 108 milyon dollar təşkil edir, lakin yaxın on ildə sifarişçinin xərcləri sazişin uzunmüddətli olması nəzərə alınmaqla 1 milyard dollaradək arta bilər.

FAA infrastrukturunda Amazon və Microsoft  “bulud” həllərinin tətbiqinə 2016-cı ildə başlanacaq.

İnformasiya texnologiyalarının xidmət kimi alınması FAA-ya bahalı obyekt və avadanlıqların alışından imtina etməyə imkan verəcək.

Xeberler.az

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.