Sabah Milli Net 2015-in qalibləri açıqlanacaq

16-12-2015 / 13:02

Sabah Milli İnternet Mükafatı - Milli Net 2015 qaliblərinin  mükafatlandırılma  mərasimi keçiriləcək.

Artıq müsabiqənin yekun səsverməsi də başa çatıb. 

Müsabiqənin Təşkilat Komitəsindən (TK)  Xeberler.az-a verilən məlumata görə, bu müddət ərzində Milli Net-in 3 istiqamət üzrə formalaşdırılan 15 münsifdən 12-i səsverməni uğurla başa vurub.

TK-dən bildirilib ki, bu il müsabiqəyə 14 nominasiya üzrə 374 sayt təqdim edilib. Onlardan yalnız qaydalara uyğun olan 299 sayt müsabiqəyə qəbul edilib və səsvermədə iştirak edib.

Belə ki, birinci mərhələdə 299 saytın qiymətləndiriıməsində 15 nəfərlik münsiflər heyətindən 14 münsif  iştirak edib.

Milli Net 2015 qaliblərinin adları Milli İnternet Mükafatının ənənəvi yekun  təqdimat mərasimində açıqlanacaq.

Yekun təqdimat mərasimi  isə dekabrın 17–də, saat 18:00-da Bakı Biznes Mərkəzində keçiriləcək. Təqdimatda 14 nominasiya üzrə qalib layihələrin adları açıqlanacaq.

TK-dən  bildirilib ki, artıq qaliblərin mükafatlandırılması ilə bağlı  hazırlıq işləri  yekunlaşıb.

Qeyd edək ki, təqdimat mərasimi  Xeberler.az-ın YouTube kanalından canlı yayımlanacaq.

Müsabiqədə 14 nominasiyanın hər biri üzrə qalib gələnlərə Milli Net–in  xüsusi mükafatı – hörümçək toru əks olunan buta təqdim olunacaq. 2-ci və 3-cü yerlərin qaliblərinə diplomlar təqdim olunacaq.

Qaliblərə və digər yerləri tutanlara həmçinin BestComp şirkəti və Aromania.az-ın hədiyyələri təqdim olunacaq.

Milli İnternet Mükafatına Rabitə və Yüksək Texnologiyalar Nazirliyi dəstək verir.
Müsabiqənin Baş sponsoru Azercell şirkətidir.

Delta Telecom və BestCom şirkətləri də Milli İnternet Mükafatına dəstək verirlər.

 

Məltəm Talıbzadə 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.