Milli İnternet resurslarımıza hücumlar davam edir

03-09-2012 / 18:59
 Sentyabrın 1-dən etibarən erməni hakerləri Azərbaycanın informasiya resurslarına, o cümlədən dövlət qurumlarının saytlarına hücum edir. Erməni KİV-lərinin məlumatına görə, bu, “Armenian Cyber Army” qrupunun işidir.

Xüsusən, 1news, APA, Day.az, Trend və digər saytlara ziyan dəyib. Dövlət qurumlarından Ədliyyə Nazirliyinin saytı dağıdılıb və hakerlər buraya Azərbaycan əleyhinə materiallar yerləşdiriblər.

Bu aksiya Azərbaycan hakimiyyətinin Macarıstanda erməni zabitini qətlə yetirdiyinə görə ömürlük həbs cəzası çəkən, avqustun 31-də Azərbaycana ekstradisiya olunan Ramil Səfərovu azad etmək qərarından sonra baş tutub.

Elə həmin gün Ermənistan prezidenti Təhlükəsizlik Şurasının iclasını keçirərək, Milli Təhlükəsizlik Xidmətinə “xüsusi tədbirlər” görmək tapşırığı verib.

Göründüyü kimi, haker hücumu Serj Sarkisyanın R.Səfərovun azad edilməsinə cavabıdır.

İnternet rabitəsi sahəsində ekspertlərin qiymətləndirmələrinə görə, Azərbaycan saytlarına hücumlar İran ərazisində qeydiyyatda olan İP-lərdən edilir. (Turan)

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.