Az öncə sosial mediada yayılan xəbərlərə görə , Azərbaycan saytları ermənilərin “ Monte Melkonian Cyber Army” xaker qrupu tərəfindən dağıdılıb.
Xeberler.az-ın məlumatına görə, hücum nəticəsində saytların ana səhifəsi dəyişikliyə uğrayıb. Hücuma məruz qalan saytların siyahısı həmin xaker qrupunun Facebook səhifəsində yerləşdirilib.
Azərbaycanın hücuma məruz qalan saytlarında erməni xaker qrupu öz mesajlarını yerləşdiriblər. Həmin mesajda Azərbaycanın 45-ə yaxın saytının ermənilər tərəfindən dağıdıldığı qeyd edilib. Ermənilərin ünvanladıqları mesajda Azərbaycana qarşı sərt sözlər işlədilib.
Ermənilər mesajlarında Azərbaycandan güclü və daha yaxşı olduqlarını iddia edirlər. Onların mesajlarında Azərbaycan vətəndaşlarının bir qrupunun fərdi məlumatlarının da ələ keçirildiyi qeyd edilib.
Xatırladaq ki, bir müddət öncə Türkiyədəki Azərbaycan səfirliyi də bu xaker qrupunun hücumuna məruz qalmışdı. Həmçinin “ Monte Melkonian Cyber Army” xaker qrupu Türkiyəyə məxsus xeyli sayda saytları da dağıtmışdı.
Məlumatımıza görə, hazırda hücuma məruz qalan milli İnternet resurslarımızın bəziləri fəaliyyətlərini bərpa ediblər.
Milli saytlarımızın sahiblərindən ehtiyatlı olmaq, təhlükəsizlik qaydalarına riayət etmək xahiş olunur. Bu tip hallar baş verdikdə 1654 qısa nömrəsi ilə Elektron Təhlükəsizlik Mərkəzinə xəbər vermək tövsiyyə olunur.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları