Milli startuplarla bağlı maraqlı tədbirlər gözlənilir

29-05-2013 / 14:06
Startup Azərbaycan  Təşkilat Komitəsi bildirir ki,  30 may 2013-cü il tarixdə startupların ilkin qiymətləndirilməsi başa çatır və Ekspertlərin yekun rəyləri əsasında Yarımfinalçılar müəyyən olunacaq.

Startup Azərbaycan Yarımfinalçıları üçün 8 iyun tarixdə xüsusi Təlimlər təşkil olunacaq.  
Təlim prosesində yarımfinalçılar  biznes-planların yazılması, onların İnvestorlar üçün  təqdimatlar hazırlaması, İnvestorlarla görüşlərə hazırlanması, komanda ilə işləmək qaydaları , bazarın dəyərləndirilməsi  sahəsində  bilik və bacarıqlar əldə edəcəklər. Təlimlərin aparılmasında yerli ekspertlərlə bərabər startuplar sahəsində tanınmış beynəlxalq ekspert, Avropanın  Seed Forum Foundation beynəlxalq qurumunun regional meneceri Rando Pärna  da iştirak edəcək.
Təlimlərin yekununda  yarımfinalçılar yenidən biznes-planlar hazırlayaraq Müsabiqəyə təqdim etməlidirlər. Bunların əsasında Ekspertlər tərəfindən yekun qiymətləndirmə aparılacaq və Finalçılar  seçiləcək.
Startup Azərbaycan tədbirlərinin yekununda Finalçıların İnvestorlarla qapalı görüşləri təşkil olunacaq.

Startup Azərbaycan TK həmçinin bildirir ki, 6 iyun tarixdə ölkənin startup sektorunda çalışan maraqlı tərəflərin geniş tərkibli  İşgüzar Görüş də keçiriləcək.
Görüşdə Startup Azərbaycan komandasına daxil olan, ölkənin tananmış İKT nümayəndələri ilə bərabər, əlaqəli dövlət qurumları, RİTN , Vergilər Nazirliyi, İqtisadi İnkişaf nazirliyi və sahibkarlıq sahəsində fəaliyyət göstərən qurumların nümayəndələrinin də iştirakı nəzərdə tutulub.
Bu İşgüzar Görüşdə ölkədə  startupların inkişafı istiqamətində indiyədək atılan addımlar, startup yarışmalarının effektivliyinin artırılması, investisiya mühitinin yaxşılaşdırılması və qarşıda duram  əsas fəaliyyət istiqamətləri üzrə maraqlı tərəflərin iştirakı ilə fikir mübadiləsinin aparılması nəzərdə tutulub.

Startup Azərbaycan TK eyni zamanda bildirir ki, 7 - 9 iyun tarixdə beynəlxalq Startup Weekend şəbəkəsi tərəfindən Startup Azərbaycanın təşkilatçı partnyorluğu ilə 3 günlük Startup Günləri keçiriləcək. Beynəlxalq ekspertlərin iştirakı ilə keçiriləcək bu Günlərin iştirakçıları milli startupların formalaşdırılması sahəsində bilik və bacarıqlar qazanacaqlar.
Startup Azərbaycan Yekun Təqdimat mərasiminin 30 iyun tarixdə keçirilməsi planlaşdırılır.

Startup Azərbaycan Layihəsinə  Rabitə və İnformasiya Texnologiyaları Nazirliyi dəstək verir.
Startup Azərbaycanın Baş sponsoru Bakcell şirkətidir.  
Microsoft, İnfiPro şirkətləri də StartUp Azərbaycanın sponsorlarıdır.

Geniş məlumat : www.startup.az  

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.