STARTAP AZƏRBAYCAN

StartUp Azərbaycan  Təşkilat Komitəsi bildirir ki,  Startup Azərbaycan Layihəsi çərçivəsində keçirilən Müsabiqədə startupların qeydiyyat müddəti 10 gün uzadılıb. Beləliklə 20 may tarixdə startupların qeydiyyat müddəti başa çatacaq.
Startup Azərbaycan TK bildirir ki, indiyədək 40 - dək milli startuplar müsabiqədə qeydiyyatdan keçiblər.
TK bildirir ki, indiyədək qeydiyyatdan keçən, lakin  yetərli məlumatlar (qeydiyyat formasındakı sənəd faylını) təqdim etməyənlər Qaydalara əsasən qeydiyyat müddəti başa çatan andan Müsabiqədən kənarlaşdırılacaq.

TK bildirir ki, Ekspertlər tərəfindən ilkin səsvermə və yarımfinalçıların müəyyən edilməsi prosesi  may ayının sonunadək davam edəcək.  
Yarımfinala çıxan startuplar üçün biznes planların  və təqdimatların hazırlanması istiqamətində Təlimlərin  7 -8 İyun tarixdə keçirilməsi nəzərdə tutulub.
Yarımfinalçıların təqdim etdikləri biznes planlar əsasında ekspertlər 25 İyun tarixədək finalçıları müəyyən edəcəklər.
Finala çıxan startuplarla investorların görüşünün iyunun sonunda keçirilməsi nəzərdə tutulub.
Startup Azərbaycan Yekun Təqdimat mərasiminin 30 iyun tarixdə keçirilməsi planlaşdırılır.
Startup Azərbaycan Təşkilat Komitəsi bildirir ki, beynəlxalq Startup Weekend qurumu tərəfindən Startup Azərbaycanın təşkilatçılığı ilə 7 - 9 iyun tarixlərdə Startup günləri keçiriləcək. Startup Weekend çərçivəsində startupların yaradılması, idarə edilməsi və inkişaf etdirilməsi istiqamətində müxtəlif görüşlər və təlimlərin keçirilməsi nəzərdə tutulur.

StartUp Azərbaycan Layihəsinə  Rabitə və İnformasiya Texnologiyaları nazirliyi dəstək verir.
StartUp Azərbaycanın Baş sponsoru Bakcell şirkətidir.  
Microsoft, İnfi Pro şirkətləri də StartUp Azərbaycanın sponsorlarıdır.

Geniş məlumat : www.startup.az