Tətbiq vasitəsilə ən çox “nar dənəsi” toplayan istifadəçilərə hədiyyələr veriləcək.
Şirkətdən Xeberler.az-a verilən məlumata görə, Nar daha bir innovativ tətbiqi öz abunəçilərinin istifadəsinə verdi. Nar Walk tətbiqi vasitəsilə insanlar gəzdikləri məsafəyə görə xallar toplaya bilirlər və bu xallar əsasında hədiyyələr qazanırlar. Xallar “nar dənələri” (ND) kimi qeyd olunur və qət edilən hər 100 metr məsafəyə görə istifadəçiyə 1 ND təqdim olunur.
Nar ND toplayan istifadəçilər arasında müsabiqə keçirməyə qərar verdi. Belə ki, yanvar ayının sonunadək ən çox ND toplamış ilk 3 istifadəçiyə müvafiq olaraq Jawbone UP2, iPod Shuffle və Energy akkumulyatoru hədiyyə ediləcək.
Qeyd edək ki, istifadəçilər öz Facebook hesablarını da tətbiqə əlavə edərək, dostlarının fəaliyyəti – onların nə qədər gəzərək məsafə qət etmələri, neçə xal toplamaları və s. barədə məlumatı görə bilərlər.
Tətbiqi yükləmək və müsabiqəyə qoşulmaq tam olaraq ödənişsizdir. Azərbaycanda bir ilk olan bu layihənin əsas məqsədi əyləncəli üsulla insanları sağlam həyat yaşamağa səsləməkdir. İstifadəçilər tətbiqi yükləmək üçün www.narwalk.com internet səhifəsinə daxil ola bilərlər. Tətbiq haqqında daha ətraflı məlumat almaq üçün Nar operatorunun rəsmi Facebook, Twitter və Instagram səhifələrinə, o cümlədən 777 Çağrı mərkəzinə müraciət etmək kifayətdir.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri