Ötən il 18 milyon vətəndaşın fərdi məlumatı oğurlanıb

30-09-2015 / 10:42

2014-cü ildə 18 milyon ABŞ vətəndaşının fərdi məlumatı oğurlanıb və əksər hallarda cinayətkarların hədəfi kredit kartları və bank hesabları olub.

Xeberler.az məlumat verir ki, bu barədə ABŞ Ədliyyə Nazirliyinin hesabatında deyilir.  

Hüquqi Statistika Bürosunun (Bureau of Justice Statistics) məlumatına görə, son ildə kiberfırıldaqçıların qurbanlarının sayı 2012-ci ilin göstəricisi ilə müqayisədə 1 milyon artıb. İdarənin hesabatında təkcə fərdi məlumatların oğurlanması halları deyil, həm də onlardan maliyyə və ya digər qazanc əldə etmək üçün istifadə nəzərə alınıb.

Məlumata görə, beş insidentin ikisi kredit kartları ilə qanunsuz manipulyasiya və təxminən eyni sayda bank hesabları ilə fırıldaqçılıqla əlaqədar olub. 

Nazirlik müsbət hal kimi cinayətkar əməlləri nəticəsində maliyyə itkilərinin ümumi həcminin azalmasını qeyd edib. Bir insidentdən dəyən ziyan orta hesabla 2895-4804 dollar arasında dəyişib, bəzi hallarda isə itkilər az olub.

Bildirilir ki, fırıldaqçıların qurbanları əsasən 65 və daha yuxarı yaşlı qadınlar və ahıl insanlar olub.

Xeberler.az 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.