ABŞ Vergilər İdarəsi yeni şöbə yaradıb

07-05-2015 / 12:19

ABŞ Vergilər İdarəsi (Internal Revenue Service, IRS) fərdi məlumatların oğurlanması ilə mübarizə aparacaq yeni şöbə yaradıb.

Xəbərlər-in Rabitə və Yüksək Texnologiyalar Nazirliyinin saytına istinadən verdiyi məlumata görə, əməkdaşlarının sayının on nəfərə yaxın olduğu yeni qurum Vaşinqtonda yerləşir və əsas vəzifəsi vergi fırıldaqçılığı, o cümlədən fərdi məlumatların oğurlanması ilə əlaqədar kibercinayətlərlə mübarizədir.

“IRS”-in statistikasına görə, son maliyyə ilində mindən çox fərdi məlumat oğurlanıb. Fişinq yayılmış üsul olaraq qalır və onun köməyi ilə cinayətkarlar məxfi məlumatları oğurlayaraq sonradan onlardan vergi fırıldaqçılığı üçün istifadə edirlər.

Cinayətkarlar komanda-nəzarət serverinə, daha sonra fərdi məlumatlara çıxış əldə etmək üçün müxtəlif zərərli proqram təminatından, məsələn, “keylogger” proqram təminatından istifadə edirlər. Qurbanın sosial sığorta nömrəsini oğurlayan cinayətkarlar özlərini onun adı ilə təqdim edərək vergi ödənişlərini mənimsəyə bilərlər.

“IRS” nümayəndəsi Riçard Veber bildirib ki, son bir neçə ayda idarə əməkdaşları Nigeriya, Rusiya, Rumıniya və Latviyada cinayətkarların hesabına 26 milyon dolların köçürülməsini izləyərək qarşısını alıblar. 2011-2014-cü illərdə idarə cinayətkarlara ümumilikdə 63 milyon dolları oğurlamağa mane olub.

Ruhəngiz Muradova


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə