2,5 milyon avro oğurlayan nigeriyalı hakerlər həbs edilib

29-04-2015 / 11:42

İtaliya maliyyə polisi (Guardia di Finanza) Avropolun iştirakı ilə transmilli cinayətkar qrupun internetdə fırıldaqçılıq əməliyyatları nəticəsində əldə olunan vəsaitlərin oğurlanmasına cəlb olunan on üzvünü həbs edib.

Xəbərlər-in verdiyi məlumata görə, əsasən Nigeriya vətəndaşları olan qrup üzvləri onlayn fırıldaqçılıqla məşğul olmaqla şirkətləri və tanışlıq saytlarının istifadəçilərini aldadaraq onların pullarını oğurlayıblar. Fırıldaqçılıq nəticəsində cinayətkarlar 2,5 milyon avro oğurlaya biliblər.

Avropolun rəsmi bəyanatına görə, cinayətkarların əməlindən onlarla Avropa şirkəti və yüzlərlə fərdi şəxs ziyan çəkib. Cinayətkarlar korporativ kommunikasiya sistemlərinə müdaxilə edərək müəssisə tədarükçülərinin və müştərilərinin ödəniş hesablarının nömrələrini dəyişiblər. Nəticədə pul vəsaitləri bilmədən fırıldaqçıların bank hesablarına göndərilib. Onlar isə öz növbəsində əldə olunan vəsaitləri xaricə göndərərək nağdlaşdırıblar. 

Bundan başqa, cinayətkarlar tanışlıq saytlarında saxta profillər yaradaraq qurbanın inamını qazandıqdan sonra onu müəyyən məqsədlər, məsələn, aviabilet almaq üçün pul göndərməyə inandıra biliblər.

Təhqiqat zamanı polis əməkdaşları bir neçə min maliyyə tranzaksiyasını təhlil ediblər. Bunun sayəsində qanun keşikçiləri pul axınınını və onun təyinat yerini müəyyənləşdirməyə nail olublar. Avropol əməkdaşlarının məlumatına görə, kriminal qrup üzvləri pulköçürməsi daxil olandan sonra bank hesablarından vəsaitləri bir neçə saat ərzində çıxaran əlbir şəxslərlə birgə işləyiblər. 

xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.