Qrant müsabiqəsinin 2-ci mərhələsindən 61 startap keçib

18-10-2016 / 12:21

Qrant müsabiqəsində 2-ci mərhələdən keçən startapların sayı açıqlandı.

Məlumat verdiyimiz kimi, Azərbaycan Respublikası Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondunun elan etdiyi 4-cü qrant müsabiqəsinə  121 layihə təqdim edilib. 

Müsabiqəyə təqdim edilmiş layihələrin  müsabiqənin qaydlarına uyğun olaraq ilkin –texniki ekspertizası aparılıb. Belə ki, Dövlət Fondunun əməkdaşları tərəfindən layihələrin tərtibatının Fondun Əsasnaməsinə uyğunluğu yoxlanıldı.

Bu mərhələdən 112 layihə keçdi. Qeyd edək ki, müsabiqəyə təqdim olunmuş layihələrin prioritet istiqamətlər üzrə bölgüsü müvafiq olaraq 47, 25 və 49 (cəmi 121) olub.

Məlumat verdiyimiz kimi, Fondun qrant müsabiqəsinə təqdim edilən layihələrin 2 mərhələdə qiymətləndirməsi həyata keçirilirdi.

Bu mərhələdə  ilkin ekspertiza mərhələsindən keçmiş layihələr  müstəqil ekspertlər tərəfindən kompleks ekspertizadan keçirilib.

Fonddan Xeberler.az-a  verilən məlumata görə, kompleks ekspertizaya təqdim olunmuş 112 layihədən 61-i müsbət rəy alıb.

Müsbət rəy almış layihələr yekun qərarın verilməsi üçün Fondun Müşahidə Şurasına təqdim ediləcək. Şuranın növbəti iclasının yaxın günlərdə keçiriləcəyi gözlənilir.

 

Məltəm Talıbzadə

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.