E - HÖKUMƏT

Məlumat verdiyimiz kimi, Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondu 3-cü qrant müsabiqəsini elan etmişdi.

Xeberler.az-ın məlumatına görə, dünən müsabiqəyə təqdim edilən layihələrin qəbul porosesi başa çatıb.

Əldə etdiyimiz məlumata görə, 3-cü qrant müsabiqəsinə 130-a qədər layihə təqdim edilib.

Hazırda Fond tərəfindən layihələrin ilkin ekspertizası aparılır.

Qeyd edək ki, müsabiqədə iştirak üçün təqdim edilmiş layihələrin  ekspertizası Dövlət Fondunun əməkdaşları və ekspertlər (ekspertlər qrupu) tərəfindən iki mərhələdə həyata keçirilir. Birinci mərhələdə Fondun Əsasnaməsinə uyğun olaraq Fondun müvafiq bölməsi və daimi ekspertləri tərəfindən layihələrin ilkin ekspertizası aparılır, ilkin ekspertizanın nəticələri sistemləşdirilir və qərar qəbul edilir.

Xeberler.az bildirir ki, ilkin ekspertizadan sonrakı mərhələdə müstəqil və daimi ekspertlər tərəfindən hər layihə üzrə kompleks ekspertiza keçirilir.

Kompleks ekspertizanın yekununda ekspertizanın nəticəsini özündə əks etdirən rəy, arayış və tövsiyyələr Fonda təqdim edilir.

Layihələrin qəbulu Fondun rəsmi saytı tərəfindən yalnız  elektron  formada aparılır. 

Qeyd edək ki, İT-nin İnkişafına Dəstək Fondunun 2014-cü ildə élan etdiyi 1-ci qrant müsabiqəsinə 195, 2015-ci ilin əvvəlidə élan edilən 2-ci qrant müsabiqəsinə isə 129 İKT layihəsi (ümumilikdə 324 layihə) təqdim edilib. 

Məltəm Talıbzadə