E - HÖKUMƏT

Məlumat verdiyimiz kimi, Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondunun elan etdiyi 3-cü qrant müsabiqəsi davam edir.

Müsabiqə çərçivəsində Fonda 138 layihə təqdim edilib.  Layihələr Fondun rəsmi internet səhifəsində (www.ictfund.gov.az) qeydiyyatdan keçməklə elektron qaydada təqdim olunub.

Xəbər verdiyimiz kimi, ekspertlər tərəfindən layihələrin ilkin ekspertizası başa çatıb, nəticələri sistemləşdirilib və  kompleks ekspertizaya göndərilib.

İT-in İnkişafı Dövlət Fondunun layihələr üzrə iş sektorunun müdiri Əkbər Abbasov Xeberler.az-a bildirib ki, 103 layihə ilkin mərhələdən keçib.

Onun sözlərinə görə, hazırda layihələr  kompleks ekspertiza edilir.

 Əkbər Abbaosv deyib ki, qaliblər yanvar ayının sonlarında elan ediləcək. 

Fond rəsmisi bəzi layihələrini  Fondun qrant  müsabiqəsinə təqdim etmək istəyən şəxslərin layihələrinin oğurlanmasından qorxduqlarını deyib:

“Hesab edirəm ki, bu kimi  kimi hallarda layihə rəhbərləri  risk etməkdən qorxmamalıdır”. 

Onun sözlərinə görə, bu il təqdim edilən layihələr əvvəlki illərlə müqayisədə  müsabiqə qaydalarına uyğun olaraq daha təkmil formada hazırlanıb. Əgər əvvəlki illərdə daha çox layihə ilkin ekspertizadan keçə bilmirdisə, indi belə layihələrin sayı xeyli azalıb.

Fond  rəsmisi qeyd edib bu, bu günə qədər qrant müsabiqlərinə ümumilikdə  461 layihə təqdim edilib.

Məltəm Talıbzadə