Layihələrin ilkin qiymətləndirilməsi başa çatıb

23-11-2015 / 12:29

Məlumat verdiyimiz kimi, Azərbaycan Respublikası Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondunun elan etdiyi 3-cü qrant müsabiqəsinə layihələrin qəbulu başa çatıb.

Müsabiqə çərçivəsində Fonda 138 layihə təqdim edilib.  Layihələr Fondun rəsmi internet səhifəsində (www.ictfund.gov.az) qeydiyyatdan keçməklə elektron qaydada təqdim olunub.

Xəbər verdiyimiz kimi, hazırda müsabiqəyə təqdim edilmiş layihələrin  müsabiqənin qaydlarına uyğun olaraq ilkin  ekspertizası aparılır. Belə ki,  Dövlət Fondunun əməkdaşları və ekspertlər (ekspertlər qrupu) tərəfindən layihələrin  Fondun Əsasnaməsinə uyğunluğu yoxlanılır.

Fonddan Xeberler.az-a verilən məlumata görə, ekspertlər tərəfindən layihələrin ilkin ekspertizası başa çatıb, hazırda nəticələri sistemləşdirilir və bu həftə ərzində kompleks ekspertizaya göndəriləcək.

Məlumatda o da qeyd olunub ki, bu il təqdim edilən layihələr əvvəlki illərlə müqayisədə  müsabiqə qaydalarına uyğun olaraq daha təkmil formada hazırlanıb. Əgər əvvəlki illərdə daha çox layihə ilkin ekspertizadan keçə bilmirdisə, indi belə layihələrin sayı xeyli azalıb.

Qeyd edək ki, kompleks ekspertizanın yekununda ekspertizanın nəticəsini özündə əks etdirən rəy, arayış və tövsiyyələr Fonda təqdim ediləcək.

 İT-nin İnkişafına Dəstək Fondunun 2014-cü ildə élan etdiyi 1-ci qrant müsabiqəsinə 195, 2015-ci ilin əvvəlində élan edilən 2-ci qrant müsabiqəsinə isə 129 İKT layihəsi (ümumilikdə 324 layihə) təqdim edilib. 

Məltəm Talıbzadə 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.