EDUTECH

2012-ci ildə TQDK İmtahan üçün Sual Kitabçalarının Rəqəmsal Hazırlanması və Auditi Sisteminin layihəsini hazırlanıb və 2014-cü ildən bu layihə əsasında avadanlıqların alınmasına və quraşdırılmasına başlanıb. 

Xeberler.az bildirir ki, bu sistem TQDK-nın keçirdiyi bütün növ imtahanlar üzrə sual kitabçalarının hər bir imtahan iştirakçısı üçün fərdi qaydada tərtibini, yüksək sürətli və keyfiyyətli çapını, çap olunmuş sual kitabçalarının imtahan zalları üzrə avtomatik paketlənməsini və bu paketlərin imtahan binaları üzrə avtomatlaşdırılmış şəkildə qablaşdırılmasını nəzərdə tutur.

Sistem həmçinin, bütün bu proseslərin tam dəqiqliklə yerinə yetirilməsinə də təminat verir.

Layihə çərçivəsində ilk texnoloji xətt 2014-cü ildə istifadəyə verilib və sınaq məqsədilə kiçik həcmli imtahanlarda istifadə olunub.

Sistemin tam istifadəsi 2015-ci ildə həyata keçirilib və TQDK-nın bu ildə keçirdiyi demək olar ki, bütün imtahanlar üzrə 600 minə yaxın sual kitabçası yeni sistemlə çap olunub.

Sistem öz sahəsində dünya lideri olan Canon, Sony, Kirk-Rudy, Axode kimi şirkətlərin avadanlıqları və proqram təminatlarının istifadə edildiyi kompleks bir həlldir və dünyadakı oxşar sistemlər arasında bənzəri yoxdur.

2015-ci ildə Canon şirkətinin əməkdaşları TQDK-nın icazəsi ilə Parisdə keçirilən Canon Expo-2015 sərgisində bu sistemi nümayiş etdiriblər. Canon şirkətinin əməkdaşı Vim Martensin sözlərinə görə, nümayiş böyük marağa səbəb olub.

Xeberler.az