SAMF bələdiyyələrin fəaliyyətinə həsr olunan KİV-in monitorinqini aparıb

08-12-2009 / 10:50

Söz Azadlığını Müdafiə Fondu (SAMF) respublikamızda müxtəlif parametrlər üzrə söz və mətbuat azadlığının monitorinqini davam etdirir. SAMF-dan verilən məlumata görə, Fond bu dəfə artıq yaşı 10-a çatmış ölkə bələdiyyələrinin fəaliyyətləri ilə bağlı analoji problemləri araşdırıb.

Noyabr ayında aparılan monitorinq nəticəsində məlum olub ki, bələdiyyələrin fəaliyyətinə həsr olunan yalnız iki mətbu orqan - “Bələdiyyə həyatı” və “Şəki bələdiyyəsi” qəzetləri işıq üzü görüb. Birinci mətbu orqanı Bələdiyyə Qulluqçuları Həmkarlar Komitəsinin, ikinci mətbu orqanı isə Şəki bələdiyyəsinin təsisçiliyi ilə ayda iki dəfə olmaqla 1000-1500 tirajla nəşr olunur.

SAMF monitorinq çərçivəsində həmçinin fəaliyyətini bu və ya digər səbəblərdən qapatmış bələdiyyə media qurumları barədə araşdırma aparıb. Belə ki, təşkilatın ekspert qrupunun monitorinqi zamanı o da məlum olub ki, 5 mətbu orqan, 2 jurnal fəaliyyətini maliyyəsizlik ucbatından dayandırıb. Bələdiyyələrin fəaliyyətinə həsr olunan 4 internet resursundan hazırda yalnız bim.az, brm.az və municipality.az saytları istifadədir. Belediyye.org saytı isə fəaliyyətini dayandırıb. İnternet resursları arasında municipality.az saytı gündəlik yenilənir. Digər üç sayt isə qrant proqramı əsasında yaradılıb.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.