"Samsung Pay" ödəniş sistemi istifadəyə verildi

03-03-2015 / 10:55

Samsung-un Apple kimi bir ödəniş sistemi üzərində işlədiyi bizə əvvəlcədən məlum idi. Ötən həftələrdə mobil ödəniş mövzusunda bir firmanı alaraq tərkibinə qatan nəhəng şirkət, yeni modeli Galaxy S6-nın təqdimat mərasimində ödəniş  sistemi "Samsung Pay"-i də təqdim etdi.

Önümüzdəki yaz aylarında başda Amerika olmaq üzrə, Cənubi Koreya, Çin və Avropada fəaliyyətə başlayacaq olan sistem, bir çox ödəmə texnologiyasına dəstək verir. Yaxından  əlaqə quran NFC-in yanında, MST adlı texnologiya da istifadə edilməkdədir. Magnetic Secure Transmission adlı texnologiya sayəsində, uyğun post cihazlarına telefonu yaxınlaşdıraraq ödəniş edilə biləcək.

Ötən gün Googlenin bütün Android cihazlarda istifadəsi üçün Google Pay adında ödəniş sisteminin təqdim olunacağı mediada yazıldı. Qısa bir müddətdən sonra Samsung-un öz ödəniş sistemini  çıxartması  Android dünyasında yenə gərgin vəziyyətin yaranacağını göstərir. Çünki Apple tək başına böyük ekosistem halında bu ödəniş sistemini dəstəkləyərkən, Android cihazları içərisində Samsung yalnız kiçik bir seqmentdə bu xidmətini təqdim edə biləcək.

May ayında Google Pay-in təqdimatından sonra, Samsung-un qərarı maraq mövzusu olarkən, mobil ödəniş  sistemlərinə olan marağın hər keçən gün artdığını görürük. Baxaq ən çox ödənişin edildiyi sistem hansı olacaq?

                                                                                     Ağasəf Haqverdiyev


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.