“Samsung” smartfonlar üçün oyun pultu istehsal edib

18-12-2013 / 09:56
“Samsung” şirkəti “Smartphone Game Pad” oyun pultunu satışa çıxarıb. Şirkətin mətbuat xidmətinin məlumatına əsasən, o, 4-6.3 düym diaqonallı ekranla təchiz edilmiş smartfonlarla istifadə üçün nəzərdə tutulub.Mobil aparat pultun arxa hissəsindəki tutqaca bərkidilir.

Oyun pultunun çəkisi 195 qramdır. “Samsung” şirkətinin iddiasına əsasən, oyun qurğusunu “Android 4.1” platforması və daha yuxarı versiya ilə işləyən istənilən telefonda istifadə etmək olar. Bununla belə, şirkət vurğulayıb ki, oyun pultu onun “Galaxy” aparatlarına optimallaşdırılıb.

Qeyd edək ki, pult az sayda oyun dəstəkləyir. Onu hələ ki “Need for Speed Most Wanted”, “Modern Combat 4: Zero Hour”, “Prince of Persia: The Shadow and the Flame” daxil olmaqla 35 oyunda istifadə etmək mümkündür. “Samsung” şirkəti söz verib ki, gələcəkdə oyunların siyahısı artırılacaq.

Qurğu artıq Avropanın bəzi ölkələrində satışa çıxarılıb. “Samsung”un press-relizində oyun pultunun qiyməti haqqında məlumat verilmir.
(ictnews.az)

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.