Səfir Azərbaycanda İKT sahəsini yüksək qiymətləndirib

30-09-2015 / 15:38

Rabitə və Yüksək Texnologiyalar Nazirliyində İraq Respublikasının ölkəmizdəki fövqəladə və səlahiyyətli səfiri Heydər Şiyə Qubeyşi Əl-Barrakın diplomatik fəaliyyətinin başa çatması münasibətilə görüş keçirilib.

Nazirlikdən Xeberler.az-a verilən məlumata görə, görüşdə Azərbaycan Respublikası Hökuməti və İraq Respublikası arasında ticarət, iqtisadi, elmi, texniki və mədəni əməkdaşlıq üzrə Birgə Komissiyanın həmsədri Əli Abbasov əlaqələrin bütün sahələrdə daha da inkişaf etdirilməsi üçün hər iki tərəfin böyük maraq və səy göstərdiyini, bu təşəbbüslərin hökumət və ölkə rəhbərlikləri səviyyəsində hər zaman dəstəkləndiyini qeyd edib. İKT və yüksək texnologiyalar sahəsində əməkdaşlığın daha da genişləndirilməsi üçün böyük potensialın olduğunu da nəzərə çatdıran nazir Azərbaycan-İraq əlaqələrində yeni istiqamətlər və gələcək perspektivlər barədə fikirlərini bölüşüb.

 Qarşılıqlı dostluq və etimada əsaslanan münasibətlərin bundan sonra da bu dəyərlər üzərində davam etdiriləcəyini vurğulayan səfir Heydər Şiyə əməkdaşlığın inkişafında nazir Əli Abbasovun həmsədrliyi ilə Bakıda baş tutan Azərbaycan Respublikası Hökuməti və İraq Respublikası arasında ticarət, iqtisadi, elmi, texniki və mədəni əməkdaşlıq üzrə Birgə Komissiyanın ilk iclasının rolunu xüsusi dəyərləndirib. Əməkdaşlıqda yeni istiqamətlərlə bağlı Bakıda başlayan müzakirələrin Bağdadda keçiriləcək Birgə Komissiyanın ikinci iclasında davam etdiriləcəyini qeyd edən diplomat bu danışıqların da uğurla nəticələnəcəyinə, əlaqələrin dinamik inkişafının gələcəkdə də bütün istiqamətlər, o cümlədən rabitə və yüksək texnologiyalar sahəsində daha da yüksələcəyinə əminliyini bildirib.

 Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.