Siemens yeni texnoloji layihələrə və startaplara 1 milyard avro ayırır

30-06-2016 / 14:06

Son dövrlərdə texnoloji şirkətlərin yeni layihələrə, startaplara   böyük məbləğdə yatırım etməsi hallarına çox rast gəlirik.

Siemens də bu trendə qoşulub.

Belə ki, Almaniyanın texnologiya nəhəngi Siemens  yeni innovativ layihələrə və startaplara 1 milyard avro yatırım ayıracaq.

Xeberler.az Reuters-un məlumatına istinadən məlumat verir ki, Siemens qarşıdakı 5 il  müddətində 1 milyard avro yatırım etməyi planlaşdırır.

Qeyd edilir ki, bu investisiya xüsusi ilə süni zəka, sürücüsüz avtomobil kimi yeni texnologiyalara aid ediləcək.

Siemens yalnız yeni startapları yox, öz işçilərini və şirkət daxilindəki layihələri də bu büdcədən maliyyələşdirəcək.

Bildirilir ki, bu layihə Siemens CTO-su Siegfried Russwurm tərəfindən idarə ediləcək.  

Layihə ilə bağlı ABŞ, Çin, Almaniyada ofislər də fəaliyyətə başlayacaq.

Məlum olduğu kimi, Simens Avropanın lider mühədislik şirkəti olaraq tanınır.  Bu baxımdan yatırımın miqdarını da anlamaq olur.

Siemens bu yeni yatırımı ilə əsas ağırlığını  next47 layihəsinə verəcəyini də açıqlayıb.

Alman nəhənginin elektrikli təyyarə texnologiyalarına yönəldiyini aydın görmək olur.  Belə ki, next47 layihəsinin bir ortağı da Airbus-dur.

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.